Samsung иккиталик экраности камера тизимини патентлади

Samsung иккиталик экраности камера тизимини патентлади

Юзни таниш функциясини яхшилаш учун Samsung қизиқ тизим устида иш олиб бораётган бўлиши мумкин. Бу Samsung компаниясининг KIPRIS'га (Корея интеллектуал мулк ҳуқуқлари бўйича ахборот хизмати) 2021 йил март ойида топширилган патент аризасида тасвирланган.

Ғоя жуда оддий - юзнинг 3D моделини яхшироқ яратиш учун фойдаланувчининг икки бурчакдан бир нечта тасвирини олиш ва ундан аутентификация қилиш учун фойдаланиш. Компания экраности камералардан фойдаланишга алоҳида урғу берган. Ҳозиргача корейс техногиганти ўзининг Galaxy Fold линиясида экраности камералардан фойдаланиб келмоқда.

Тахминларга кўра, ушбу иккита экраности камера ҳам биринчи букланувчи смартфонларга ўрнатилади. Шунингдек, ушбу камераларнинг бошқа қурилмаларда ҳам пайдо бўлиш эҳтимоли ҳам йўқ эмас. Ушбу тизимни қўллаш учун камерларнинг бирини дисплей остидаги бармоқ изи сканерининг олдига жойлаштириш керак бўлади. Эҳтимол, икки камера битта оптик модулга бирлашиши ҳам мумкин.

Патентда кўп маълумот берилмаган. Аммо суратдаги смартфон битта пастда, битта тепада жойлашган экраности камерага эга эканлиги маълум. Патентда кўз қорачиғини ўлчаш функцияси ҳам эслатиб ўтилган.

Ушбу функциянинг ғояси шундан иборатки, инсоннинг кўз қорачиғи ўлчами ёруғлик шароитларига қараб ўзгаради. Бу юз аутентификациясини алдаш учун фотосурат ёки ниқоблардан фойдаланишга қарши қўшимча хавфсизлик чораси сифатида ишлатилиши мумкин.

ЎҚИНГ: Xiaomi Civi 2'нинг янги тизерлари унинг батарея ва зарядланиш хусусиятларини ошкор қилди 

Сайт янгиликларидан доимий хабардор бўлиш учун Телеграм каналимизга қўшилинг!