Samsung инқилобий Galaxy X буклама смартфони учун Infinity-V Display савдо белгисини рўйхатдан ўтказди!

Кўп йиллар мобайнида смартфонсозликда экран томонлари ўзаро 16:9 нисбатда бўлиши стандарт саналиб келганди. Лекин ўтган йили чиққан Samsung Galaxy S8 флагманида бу кўрсаткич 18,5:9 бўлишидан ташқари, ушбу модел Infinity Display эканлиги билан ҳам ажралиб турди.

ЎҚИНГ: Samsung Galaxy S8: ҳозирча шундан яхшиси йўқ

Айни дамда эса жанубий кореялик техногигант ўзининг инқилобий смартфони – Samsung Galaxy X (ёки Galaxy F) моделини тайёрлаётганидан хабарингиз бор. У қайишқоқ дисплейли букланувчи корпусга эга эканлиги ҳақида ҳам кўп маълумотлар чиққан.

Ўтган ҳафтада Samsung компанияси Infinity-V Display савдо белгисини рўйхатдан ўтказганлиги бугун маълум бўлиб қолди. Бу айнан шу янги қурилмада қўлланилаётган – букланувчи дисплейни англатишини пайқаш қийин эмас. Зеро, янги номдаги «V» ҳарфи экраннинг букланган ҳолатдаги шаклига ишора қилаётир.

Жанубий кореялик компания ўзининг инқилобий смартфонини жорий йилнинг ноябрь ойи бошида бўлиб ўтадиган Samsung Developer Conference (SDC) тадбирида кўрсатиши кутилаётир.

ЎҚИНГ: Samsung Galaxy X: кореяликлар инқилобий буклама смартфоннинг тақдимот куни ва ҳатто нархини ҳам айтишди!

Компания раҳбарининг сўзларига кўра, Galaxy X модели ёйилганида тўлақонли планшет вазифасини бажара олади. Мазкур янгича гаджет Samsung Electronics ўз фаолиятини олиб бораётган барча мамлакатлар бозорларига чиқарилади.

Шу пайтгача бозорга чиқарилган турли моделлардаги Samsung смартфонларини эса Terashop.uz интернет-дўконимиздан қулай нархларда олиш имконияти мавжуд. Бунда уйингиз ёки офисингиздан чиқмасдан туриб онлайн буюртма бериш, ўзингизга қулай усулда тўлов қилиш, ҳақини товар қўлингизга текканидан кейин тўлашингиз мумкинлиги каби имкониятлар сизга ҳам маъқул келишига ишонамиз.

ЎҚИНГ: 650 000 сўмдан бошланган Samsung смартфонларини Terashop.uz’дан олинг – харидингиз Ўзбекистон бўйлаб бепул элтиб берилади! (2018 йил 8 октябрь)