Samsung июнда Galaxy S8’нинг яна бир талқинини тақдим қилади

Samsung июнда Galaxy S8’нинг яна бир талқинини тақдим қилади

Samsung март ойида тақдим қилган Galaxy S8 ҳамда Galaxy S8+ флагман смартфонлари бозорга iPhone 7 гаджетига қарши чиқарилгани маълум. iPhone 7 эса корпусининг пишиқ-пухталиги билан улардан устун. Боиси, янги гелекси аппаратларининг ташқи дизайни келажакка хос ечимга эга: тўлиқ шишали ва ромсиз олд панел бундан кейинги смартфонлар учун ҳам намуна вазифасини бажаради.

Таниқли SamMobile нашрига кўра, Samsung компанияси флагманларининг муваффақият қозонишига ишонса ҳам, ҳар эҳтимолга қарши, заҳирада шу номли бошқа смартфон моделини ҳам тайёрлаб қўйган. Samsung ишқибозлари ўта нозик бўлган Galaxy S8’ни хушламаган тақдирда, компания унинг ўта чидамли янги талқини устида ҳам бош қотирган. Махсус — Galaxy S8 Active моделининг шартли номи «Cruiser» бўлиб, SM-G892A индекси остида ишлаб чиқарилади.

Нега айнан крейсер? “Тезюрар ва узоққа сузувчи катта ҳарбий кема” маъносини берувчи бу сўз Samsung’нинг Galaxy S8 Active номи билан жой ва шароит танламас мобил алоқа воситасини тақдим этомқчилигини билдиради. Жумладан, Galaxy S8 Active катта сиғимли аккумуляторга, зарбалардан ҳимояланганликни кафолатлайдиган MIL-STD-810G стандарти ҳамда сув ва чанг таъсирига бардошлилигини англатувчи IP68 стандартига эга корпус билан таъминланади. Бироқ, смартфон дизайни “ғишт” телефонларни эслатиши бошқа масала.

Икки ёнга силлиқ ётқизилган дисплейга эга Samsung Galaxy S8 олд панелдаги Home тугмасидан ҳам маҳрум қилинган. Active моделида эса экран қуйисидаги барча тугмалар ўз жойида қолган. Бу эса ундан сув остида ҳам қулай фойдаланиш имконини беради.

Galaxy S8 флагманининг махсус модификацияси июнда тақдим этилади.

Terabayt.uz сайтининг видеолари: Youtube'даги каналимизда!