Samsung компанияси Galaxy S21 FE смартфонини 11 август санасидаги тақдимотда намойиш этмаслиги мумкин

Samsung компанияси Galaxy S21 FE смартфонини 11 август санасидаги тақдимотда намойиш этмаслиги мумкин

Келаси ой Samsung иккинчи муҳим Unpacked маросимини ўтказади. Унда иккита янги букламафон, Galaxy Buds қулоқчинлари ҳамда иккита смарт соат тақдим этилиши кутиляпти. Бу йили Galaxy Note серияси тақдим этилмайдиган бўлди. Шунинг учун, кўпчилик S21 сериясининг арзонроқ вакили бўлган S21 FE'нинг ушбу тақдимот намойишида кўриниш беришини кутаётган эди.

ЎҚИНГ: Samsung 11 август санасида тақдим этишни режалаштираётган гаджетлар маълум бўлди

LetsGoDigital берган маълумотга кўра, Galaxy S21 FE келаётган Unpacked тадбирида намойиш этилмайди.

LetsGoDigital Samsung'нинг расмий ҳужжатларини кўриб чиқиб, компания смартфонни 11 август санасида эълон қилинмаслигини тасдиқлади. Смартфон октябрь ёки унданда кечроқ тақдим этилиши мумкин.

Samsung Galaxy S21 FE 6.4 дюймли FullHD+ Super AMOLED дисплейи билан жиҳозланади. Дисплей 120Hz экран янгиланиш частотасини қўллаб-қувватлайди. Смартфоннинг орқа пенели пластикдан иборат бўлади. Ҳудудга қараб смартфон Snapdragon 888 ҳамда Exynos 2100 чипи билан жиҳозланади. Қурилманинг Grey, White, Violet ҳамда Green рангли турлари мавжуд бўлади.

ЎҚИНГ: Samsung Galaxy S21 FE'нинг техник жиҳатлари расман тасдиқланди

Хабарларни тез ва осон ўқиш учун Андроид иловамизни сақлаб олинг.