Samsung компанияси Starbucks билан ҳамкорлик қилади
Samsung ўзининг смартфонлари, гаджетларини бошқа компаниялар билан бирга "кийинтириш"ни яхши кўради ва сўнгги маълумотларга кўра, компания эндиликда Жанубий Кореяда Starbucks билан ҳамкорлик қилмоқда. Компаниялар бугун, 28 июлдан бошлаб Galaxy S22 сериясидаги смартфонлар ва Galaxy Buds симсиз қулоқчинлари учун Starbucks логотиплари туширилган турли хил яшил ранглардаги, экологик тоза материаллардан тайёрланган ҳимоя кейслари сотувга чиқаришяпти.
Ҳамкорликда яратилган кейслар дизайни бири бошқасидан ажойиб бўлиб, масалан, Galaxy S22 Ultra учун чиқарилган кейсларнинг бири орқасида худди Starbucks квитансиясига ўхшаш тасмага эга.
Galaxy S22ва S22+ кейсларининг бирига эса ажойиб шиор ёзилган: "Галактикангизда юлдузларни сананг".
Энг қизиғи эса, Galaxy Buds кейсларининг бири устига чиройли кўпикли барг туширилган латте билан тўлдирилгандек кўринадиган, тутқичли кофе стаканига ўхшайди ва гарчи чўнтакбоп бўлмаса ҳам, жуда ёқимтой кўринади.
Албатта, маҳсулотлар чекланган миқдорда ва афсуски, улар фақат Жанубий Кореяда сотувга чиқарилган.
