Samsung, ниҳоят Galaxy Note 7’ни сотиш ҳуқуқини қайтариб олди

Samsung, ниҳоят Galaxy Note 7’ни сотиш ҳуқуқини қайтариб олди

Жорий йил март ойи якунида Samsung Electronics қайта тикланган Galaxy Note 7 гаджетларини Ҳиндистон ва Вьетнамда сотувга чиқаришини расман тасдиқлаган эди. Samsung аккумулятори ёниб кетаётган Galaxy Note 7 флагманини халқаро бозордан чақириб олгач, улардаги носозликни бартараф қилган. Корея нашрларининг ёзишича, Samsung қайта тикланган Galaxy Note 7 фаблетини стувга чиқариш ҳуқуқини берувчи FCC — Кореянинг коммуникациялар бўйича комиcсиясининг гувоҳномасини олган.

Қайта тикланган Galaxy Note 7 флагманининг 3 талқини – SM-N935K, SM-N935L ҳамда SM-N935S рақамлари остидаги версияларига алоқа маъмурияти коммиссиясининг уларни Кореяда сотиш ҳуқуқини берувчи гувоҳномаси олинган.

Қайта тикланган флагманга 3,500 мА соатли «қувват тоши» ўрнига 3,200 мА соат электр токи сиғимига эга батарея ўрнатилади. Шунингдек, қурилма учун янги дизайндаги корпус тайёрланган. Демак, янги талқин дизайни аслидан бир оз фарқ қилиш мумкин. Шу билан бирга, унга Android 7.0 Nougat операцион тизими ўрнатилади.

Galaxy Note 7 R (SM-N935) номи билан сотувга чиқадиган смартфоннинг 700,000 вон, яъни $620 доллардан сотувга чиқиши айтилмоқда. Эслатиб ўтамиз, 2016 йилнинг сентбяр ойида Galaxy Note 7 Кореяда $878 доллардан сотувга чиқарилган эди. Galaxy Note 7’даги носозлик компанияга 5,2 миллиард долларга тушган.

Хабарларни тез ва осон ўқиш учун Андроид иловамизни сақлаб олинг.