Samsung’нинг 5G-модели ва Galaxy F буклама смартфони илк расмий реклама видеосида!

Жанубий кореялик техногигант ўзининг Galaxy F ёки Galaxy Fold номли букланувчи қурилмасини 2018 йил ноябрдаги махсус тадбирда кўрсатган эди. Унинг таннархини Galaxy S9+ ҳамда iPhone XS Max’ники билан солиштиришганидан ҳам хабарингиз бор.

ЎҚИНГ: 150 долларлик Redmi Note 7 қайси рейтингда 1800 долларлик Galaxy Fold буклама смартфонидан устун келди?

Аммо Samsung ҳозиргача мазкур инқилобий смартфонининг тўлақонли тақдимотини ўтказгани йўқ. Бироқ таниқли инсайдер Ishan Agarwal ўзининг Twitter-аккаунти орқали ушбу компаниянинг расмий реклама видеосини эълон қилди.

Ушбу рекламада нафақат Galaxy F (ёки Galaxy Fold) модели, балки бирйўла Samsung’нинг бир нечта янги ишланмалари кўрсатилган. Жумладан, бу ролик бешинчи авлод уяли алоқа тармоғини қўллаб-қувватловчи смартфон, тўлдирилган реаллик технологияси ҳамда янги камера кабиларга бағишланган.

ЎҚИНГ: Galaxy F буклама смартфони тақдимот санасини Samsung расман, аммо антиқа тарзда эълон қилди!

Ушбу пост тез орада тармоқдан ўчирилган бўлса-да, уни кўчириб олган фойдаланувчилар интернетда тарқатиб юборишган. Мана, уни бирга томоша қиламиз:

Афтидан, Samsung ушбу реклама видеоролигини MWC 2019 доирасидаги тақдимотида намойиш этишни мўлжаллаган.

ЎҚИНГ: Ниҳоят, Samsung энг арзон Galaxy M10 ва M20 смартфонлари тақдимотини ўтказди!