Samsung’нинг иккита экранли смартфони – бу Galaxy S10 ёки Galaxy Note бўлиши мумкин
Samsung’нинг иккита экранли смартфони – бу Galaxy S10 ёки Galaxy Note бўлиши мумкин
Кейинги пайтларда смартфонсозлар турли форм-фактордаги корпусга эга қурилмалар устида ишлашаётир. Samsung ҳам бу пойгадан четда қолаётгани йўқ, албатта.
ЎҚИНГ: Samsung антиқа смартфон патентлади – иккита сенсор экранли слайдер!
Жанубий кореялик гигантнинг янги патентида акс этган смартфон эса янада ўзгача. Унинг асосий дисплейи ромсиз бўлишидан ташқари, орқасида ҳам кичикроқ экрани бор. Тахминларга кўра, компания дизайнерлари келажакдаги Galaxy Note фаблетларини шундай қилишмоқчи.
Интернетда янгигина тарқалган суратларга кўра, Samsung минимал ромларга эга дисплейли смартфон яратмоқчи. Фақат экраннинг устки қисмидаги ҳошия сал энлироқ бўлади – унга динамик, датчиклар ва олд камера жойлаштирилади. Шунингдек, расмларда USB-C порти, асосий динамик ва микрофон, шунингдек, қурилмани қулфдан чиқарувчи ҳамда Bixby овозли ёрдамчисини чақирувчи тугмачалар кўзга ташланади.
ЎҚИНГ: Иккита экран нимаси!? LG учта сенсор экранли буклама смартфон патентлади!
Лекин смартфоннинг орқа томони кўпроқ эътиборга лойиқ – Samsung дизайнерлари бу ерга иккинчи дисплейни жойлаштиришмоқчи. Шу боис асосий камера ва унинг фоточақноғини юқори чап бурчакка ўрнатишга тўғри келган. Мазкур ёрдамчи экран қандай функцияларга эга бўлиши ҳозирча номаълум.
Смартфоннинг шаклига қараганда, мазкур патент Galaxy Note туркумига алоқадор бўлиши мумкин, деб ёзади PhoneArena. Аммо корпус олд панелининг дизайнини компаниянинг бошқа смартфонларига, жумладан, Galaxy S10 моделига ҳам кўчирса бўлади.
Таъкидлаш керакки, иккинчи экранли смартфон яратишда Samsung биринчи бўлаётгани йўқ. 2017 йили Meizu компанияси тақдим этган Pro 7 моделининг ҳам орқа панелида қўшимча дисплейи мавжуд.
ЎҚИНГ: Meizu Pro 7 тақдим қилинди: 2 та рангли экранга эга илк смартфон
