Samsung’нинг илк 5G-смартфони – 6 камерали Galaxy S10 X нархи, савдога чиқиш куни ва жиҳатлари эълон қилинди!

  •   DiMaX
  •  5423
  •  15.01.2019 17:28

Samsung’нинг илк 5G-смартфони – 6 камерали Galaxy S10 X нархи, савдога чиқиш куни ва жиҳатлари эълон қилинди!

Жанубий кореялик техногигант ўзининг Galaxy S10 туркумидаги флагман смартфонларининг тақдимот кунини расман айтган. Бу туркумда камида учта модел бўлиши кутилмоқда.

ЎҚИНГ: Galaxy S10 Lite тақдимотдан аввал Geekbench’да тест топширди. Уят, Samsung, уят!..

Шунингдек, флагманнинг бешинчи авлод уяли алоқа тармоғини қўллаб-қувватловчи версиясини ҳам Samsung аввалроқ «жонли» видеода ишлатиб кўрсатган. Кореянинг ETNews нашри ушбу версия ҳақидаги янги маълумотларни эълон қилди.

Хабарга кўра, бу модел Samsung Galaxy S10 X деб номланади ва бундаги «Х» қисми Galaxy туркумидаги смартфонларнинг ўн йиллигини англатади. Шунингдек, у «eXperience» («тажриба») ҳамда «eXpand» («кенгайиш, кенгайтма») сўзларига ҳам ишора қилади.

Жанубий Кореяда ушбу модел жорий йилнинг 29 март куни, 1450–1600 долларлик нархда савдога чиқади. Galaxy S10 туркумининг қолган смартфонлари савдолари эса олдинроқ, лекин март ойида бошланади.

ЎҚИНГ: Учта моделдаги Galaxy S10: суратлари, жиҳатлари, АНИҚ нархлари, тақдимот ва савдога чиқиш кунлари!

Samsung Galaxy S10 X диагоналига 6,7 дюймлик Super AMOLED экранга эга бўлиб, унга дактилоскопик датчик ҳам интеграция қилинган. Смартфоннинг бош камераси тўртта модулдан иборат, шулардан бири уч ўлчамли TOF 3D-камера бўлиши мумкин. Мазкур флагманнинг селфи-камераси бўлса иккита сенсорни ўз ичига олади.

Сотилиш ҳудудига боғлиқ ҳолда унда Qualcomm ёки Samsung’нинг энг илғор процессори қўлланади. 5G-смартфоннинг тезкор хотираси 10-12 гигабайт, доимий хотираси бўлса бир терабайтгача ҳажмга эга. Унинг «қувват тоши» 5000 мА/соатлик аккумулятор бўлиши айтилмоқда.

Шунингдек, жанубий кореялик техногигант яна инқилобий – букилувчан флагманининг ҳам намойиш кунини маълум қилган.

ЎҚИНГ: Galaxy F буклама смартфони тақдимот санасини Samsung расман, аммо антиқа тарзда эълон қилди!

Сайт янгиликларидан доимий хабардор бўлиш учун Телеграм каналимизга қўшилинг!