Samsung’нинг янги флагмани Geekbench’да рекорд ўрнатди!
Смартфонсозлар ўзларининг янги моделлардаги мобил девайсларини турли бенчмарк сервисларида синаб кўришлари одат тусига кирган. Куни кеча Geekbench’да тестдан ўтказилган – ҳали тақдим этилмаган янги телефон рекорд натижа қайд этди.
ЎҚИНГ: Қойилмақом Galaxy Note 9’ни видеода кўрамиз!
Бу ерда гап Samsung компаниясининг Galaxy Note 9 смартфони ҳақида кетмоқда. Хабарингиз бор – март ойида ушбу қурилманинг Qualcomm Snapdragon 845 процессорли варианти айни шу бенчмаркда синаб кўрилган эди. Мазкур фаблетнинг янги текширилган иккинчи варианти эса Samsung Exynos 9810 чипига эга.
Мана, тест натижаларига назар соламиз:
Кўриб турганингиздек, Exynos 9810 процессорли Galaxy Note 9 якка адроли тестда 2737 балл, кўп ядроли синовда эса 9064 балл олиб, рекорд натижа кўрсатган! Унинг Snapdragon 845 процессорига таянувчи талқини эса Geekbench’да ундан бирмунча паст – тегишлича 2190 ва 8806 очко тўплаган эди.
ЎҚИНГ: Samsung ҳам шошиб қолди: Galaxy Note 9 аллақачон бенчмаркда «кўринди»!
Демак, жанубий кореяликлар яна бир бор жаҳон аҳлини ҳайратга солишга тайёргарлик кўришмоқда. Бу борадаги янгиликларни биз билан бирга кузатинг.
