Samsung Note брендидан воз кечиши мумкин

Samsung Note брендидан воз кечиши мумкин

Samsung компанияси айни пайтда Note брендидан воз кечиш имкониятини кўриб чиқмоқда. Бу ҳақда Hi-Tech.Mail.ru нашри Samsung штаб-квартирасидаги манбага суяниб хабар берди. Сўнгги пайтда Galaxy Note 7 билан юз берган салбий шов-шувлар натижасида компания шундай қарор чиқариши мумкин.

Манбанинг қайд этишича, Note қурилмаларига бўлган ишонч Galaxy Note 7 билан юзага келган нохушликлар таъсирида йўқотилди. Бундан ташқари, турли мамлакатларда ушбу бренд борасида ўтказилган сўровларда респондентларнинг 50 фоиздан кўпроғи мазкур линейка смартфонларига салбий ёндашишини билдирган. Бироқ компания Galaxy брендини ўз жойида қолдиради, сабаби барча моделларни қайта номлаш фирмага жуда катта молиявий  йўқотиш олиб келиши мумкин.

Ҳозирча бундай хабар Samsung Electronics томонидан тасдиқланмаган.

Эслатиб ўтамиз, бундан икки кун олдин Жанубий Корея компанияси Galaxy Note 7 смартфонларини ишлаб чиқаришни бутунлай тўхтатиши ҳақида маълум қилган эди.

Сайт янгиликларидан доимий хабардор бўлиш учун Телеграм каналимизга қўшилинг!