Samsung ноёб рангли Galaxy S9 Plus олганларга қимматбаҳо совға ҳам беряпти

  •   DiMaX
  •  1867
  •  20.07.2018 19:10

Samsung ноёб рангли Galaxy S9 Plus олганларга қимматбаҳо совға ҳам беряпти

Жанубий кореялик компания Россияда ўзининг флагман смартфони – Galaxy S9 Plus моделини янги талқинда сотувга чиқарди. Бу – Burgundy Red деб номланган тўқ қизил рангли корпусга эга бўлган смартфондир.

ЎҚИНГ: Galaxy S9/S9+ : суперфлагманларнинг сири!

Энди россияликлар ҳашамдор тўқ қизил тусли Galaxy S9 Plus флагманига олдиндан буюртма беришлари мумкин, уларни етказиб бериш эса 3 сентябрдан бошланади. Мазкур смартфонларни Samsung’нинг расмий онлайн дўконидан ёки унинг ҳамкорлари дўконларидан харид қилишса, кафолатланган совғага ҳам эга бўлишади. Яъни, ҳар бир харидорга қимматбаҳо Samsung Gear IconX симсиз қулоқчинлари ҳам ҳадя этилади. Бу аксессуар смартфон билан биргаликда ишлашидан ташқари, 4 гигабайтлик хотираси эвазига буткул автоном режимда ҳам ишлай олади.

Айтиш керакки, Burgundy Red рангли талқини ҳам Galaxy S9 Plus’нинг бошқа талқинларидан техник жиҳатдан умуман фарқ қилмайди. У ҳам худди ўша чеккалари қайрилган «ниҳоясиз» экран, алмашинувчи диафрагмали қўшалоқ асосий камера, стереодинамиклар, сувдан ҳимоя, тезкор ва симсиз қувватлаш технологияси кабиларга эга.

ЎҚИНГ: Ўзбекистон бўйлаб БЕПУЛ етказиб бериладиган Samsung смартфонларининг чегирмали нархлари (2018 йил 16 июль)

Сайтимизнинг энг чиройли расмларини Инстаграмдаги саҳифамизда томоша қилинг!