Samsung ўз «ақлли» соатларини арзонлаштирди
Жанубий кореялик техногигант жорий ойнинг бошида Samsung Galaxy Watch смарт-соатларини тақдим этган эди. АҚШда аллақачон ушбу гаджетлар савдоси бошланган, ишлаб чиқарувчининг ватанида эса улар августнинг охирида, қолган кўплаб мамлакатларда эса 14 сентябрдан сотувга чиқарилади.
ЎҚИНГ: Samsung Galaxy Watch: «ақлли» соатларнинг учинчи авлоди, бир қувват олса 80 соат ишлайди
Шу билан бирга, Samsung компанияси ўзининг Samsung Gear S3 смарт-соатлар туркуми (Gear S3 Classic, Gear S3 Frontier ва Gear Sport) нархларини пасайтирди.
Samsung Gear S3 Classic ҳамда Gear S3 Frontier моделлари энди 270 АҚШ доллари нархида таклиф этилмоқда. Gear Sport русумли смартвотч эса 250 долларга сотилиши маълум қилинган. Аммо ушбу чегирма LTE модули билан таъминланган моделларга татбиқ этилмайди.
Айтиш керакки, Terashop.uz онлайн дўконимизда ҳам айрим моделлардаги смарт-соатлар сотилмоқда.
