Samsung ўз ишини қилди, Apple эса рекорд ўрнатди

Samsung ўз ишини қилди, Apple эса рекорд ўрнатди

Apple даромади йилдан-йилга ўсишда давом этмоқда. Ниҳоясига етган сўнгги чоракда корпорация сармоядорларни (ўзини ҳам, албатта) ҳайратда қолдирди. Ўтган чоракда Apple $53,26 млрд. доллар даромад олган, яъни даромад миқдори аввалги чоракка нисбатан 17 фоизга ошган.

Натижаларга кўра, 2018 йилнинг III молиявий чорагида iPhone X жаҳон миқёсида энг яхши сотилган девайс бўлди. Корпорациянинг флагмани кўпчиликка маъқул келгани ниҳоят ўз тасдиғини топди. Бундан чиқдики, кейинги - кузда тақдим қилиниши кутилаётган янги моделлар ҳам бозорда яхши оммалашади.

Компьютер савдоси бу чоракда бир оз пасайган. Аммо бошқа аксессуарларнинг савдоси ошган. Мисол учун, Apple Watch, HomePod, шунингдек iCloud, Apple Music каби интернет хизматларидан келадиган даромад кўтарилган.

Сўнгги чоракда компания 41,3 млн дона iPhone смартфони, 11,55 млн дона iPad планшет компьютеридан ҳамда 3,7 млн дона MacBook ноутбук қурилмасидан сотишга муваффақ бўлган. Apple компаниясига кўпроқ фойда олиб келишда смартфон савдоси ҳануз етакчи бўлиб турибди, яъни смартфон сотишдан компания 29,91 млрд доллар фойда кўрган. Бу эса ўтган йилнинг III чораги билан таққослаб кўрганда, 14% га кўп дегани.

Иккинчи кварталдаги даромад $61,14 млрд долларни, соф фойда - $13,82 млрд. долларни ташкил қилган эди. 31 мартга қадар давом этган иккинчи молиявий чоракда тахминан 52,28 млн дона iPhone сотилган.

Associated Press ахборот агентлигига кўра, чакана савдодаги Apple смартфонларининг ўртача нархи 20% га, яъни $606 доллардан $724 долларга қимматлашган. Бундан келиб чиқадики, бозорда харидорлар асосан iPhone X моделини харид қилишмоқда. Унинг энг арзон модели $999 доллардан сотилмоқда.

Корпорация ҳисоботига кўра, чўнгги чоракда соф фойда 32% га, яъни $11,52 млрд долларга кўтарилган. Бунинг $2,17 доллари акцияларнинг ўсиши билан боғлиқ. Apple кейинги чоракда $60-62 млрд. доллар фойда олишни кўзламоқда.

Сўнгги 11 чоракда амалга оширилган айфон савдоси ягона жадвалда:

Дарвоқе, Samsung сўнгги вақтларда компаниянинг смартфон савдосини "синдириш" учун кўп ҳаракат қилди. Хусусан, турли ролик ва рекламаларда iPhone X флагмани масхара қилинди. Шундай бўлса ҳам, айфон ҳануз энг яхши сотилаётган девайс бўлиб қолмоқда.

1976 йилда асос солинган Apple капитали бугунги кунда $900 млрд. долларга етган ва у айни кунда жаҳоннинг энг қиммат брендлари сафида туради. Компания iPhone смартфонлари, iPad планшет компьютерлари, MacBook ноутбуклари, iMac стол компьютерлари, iPod мусиқий плеерлари ҳамда бошқа қатор юқори технологиялар ишлаб чиқаради, хизматлар кўрсатади. Корпорация бош қароргоҳи АҚШ нинг Купертино (Калифорния штати) шаҳрида жойлашган ва жаҳондаги энг улкан идоралардан бири саналади.

Сайт янгиликларидан доимий хабардор бўлиш учун Телеграм каналимизга қўшилинг!