Samsung ўзининг шахсий криптовалютаси - Samsung Coin’ни тайёрлаяпти!
Кореялик манбаанинг маълум қилишича, Samsung компанияси реал криптовалюта операциялари (mainnet) ўтказиш мумкин бўлган, шахсий блокчейни устида ишламоқда. У тайёр бўлганидан сўнг компания ўзининг шахсий криптовалютаси – Samsung Coin’ни ишга тушириши мумкин.
Компания режаларига алоқадор бўлган инсоннинг айтишича, блокчейн ишлаб чиқиш вазифаси симсиз технологияларни ривожлантириш бўлимига ишониб топширилган. Қолаверса ишлар ўтган йилдан буюн давом этмоқда. Samsung блокчейни Etherium базаси асосида бўлиб, Samsung Galaxy S10 криптоҳамёни Etherium ва ERC токенини қўллаб-қувватлаши ҳам бекорга эмас.
Блокчейн ҳозирча ички экспериментал тест жараёнида ва унинг мақсад ва вазифалари ҳозирча номаълум. Инсайдер технология биринчи навбатда B2B сегментида синаб кўрилиб, келажакда эса очиқ фойдаланиш учун тақдим этилади, деб ҳисобламоқда. Агар Samsung Coin криптовалютасини ишга тушириш қарори қабул қилинса, Codex биржасида исталган шахслар у билан боғлиқ савдоларда қатнашиши мумкин. Аммо бу ҳақида ўйлашга ҳали эрта. Инсайдернинг ўзи ҳам таъкидлаганидек, “Samsung Coin бозорга кириб келишини кутамиз, лекин йўналишлар ҳозирча аниқ эмас”. Шундай экан, катта эҳтимол билан Samsung Coin’ни бу йил кўрмаймиз.
