Samsung ўзининг ушбу ўрта-флагман моделидан воз кечмоқда.
Гарчи Galaxy S серияси Samsung'нинг энг юқори даражадаги смартфонлар қатори бўлса ҳам, компания улардан кўра кўпроқ Galaxy А смартфонларидан фойда кўради. Galaxy А серияси уч хил моделни ўз ичига олади, бироқ кейинги йил уларнинг сони биттага камайиши мумкин: Samsung компанияси ўзининг Galaxy А7х линиясидан воз кечаётган кўринади.
Биламизки, одатда ҳали тақдим қилинмаган смартфонлар ҳақидаги маълумотлар уларнинг тақдимот санасига бир неча ой қолганда тарқалишни бошлайди. Ва биз аллақачон Galaxy А54 билан Galaxy А34 ҳақида бир қанча миш-мишлар эшитдик. Бироқ, шу кунга қадар Galaxy А74'дан дарак йўқ. Бунинг сабаби жуда оддий. Samsung ҳеч қандай Galaxy А74 смартфони устида ишламаяпти. Қурилма ҳеч қаерда синовдан ўтказилмаяпти ва у учун ҳеч қандай прошивка мавжуд эмас. Айтиш керакки, бу йилги Galaxy А смартфонлари тақдимотида ҳам Samsung эътиборни фақат Galaxy А33 ва Galaxy А53 моделларига қаратган эди. Galaxy А73 эса ортиқча дабдабаларсиз сотувга чиқарилган, шунда ҳам у Galaxy А72 чиқарилгандан кўра камроқ мамлакатларда.
Galaxy А7x Samsung секингина "чопиб юбораётган" ягона смартфон линияси эмас. Galaxy FE қатори ҳам шу тарзда йўқолиб кетмоқда ёхуд компания ҳеч қандай Galaxy S22 FE чиқариш ниятида эмас. Жанубий Корея компанияси бу икки ўртачадан сал юқори, лекин флагман бўлмаган смартфонларни йўқотиш билан Galaxy S ва Galaxy А сериялари ўртасида катта бўшлиқ яратмоқда. Бу бўшлиқ эса янги смартфон билан тўлдириладими ёки йўқ буниси ҳозирча сўроқ остида, лекин Galaxy А54 ва Galaxy S23 чиқарилганида Galaxy S22 улар ўртасида бўлиши мумкинлиги ҳақидаги гаплар ҳам йўқ эмас, чунки у флагманлиги билан А54'дан юқори, эскилиги билан S23'дан бир поғона пастда бўлади.
