Samsung премиум раскладушка телефон тайёрламоқда

Samsung премиум раскладушка телефон тайёрламоқда

Аввалроқ Жанубий Кореянинг Samsung компанияси Хитой бозори учун Samsung Galaxy Folder 2 номли раскладушка форм-факторидаги телефон тайёрлаётгани ҳақида хабар берган эдик. Бироқ тармоқда шу кунларда Samsung’нинг бошқа маркадаги премиум раскладушка телефонининг суратлари ҳам пайдо бўлди. Янги телефонга SM-W2016 модель коди берилган.

Асосан Samsung телефонлари билан боғлиқ хабарларни ёритадиган Sammobile нашрида берилган маълумотга кўра, янги премиум телефонга 4,2 дюймли Super AMOLED дисплей ўрнатилади, у Qualcomm Snapdragon 820 процессори ва 4 ГБ тезкор хотира ёрдамида ишлайди. Телефон USB Type-C порти, 12 МП асосий ва 5 МП олд камерага эга бўлади. Асосий камера орқали 4К форматидаги видеоларни ёзиш мумкин.

Samsung-SM-W2017-04 Samsung-SM-W2017-02-202x270

Шунигдек, янги премиум раскладушкага бармоқ изи сканери ва юрак пульси сенсори ҳам ўрнатилиши мумкин. Телефоннинг тасвирига қараб, унинг Galaxy S7’дан илҳомланиб яратилганига шубҳа қилмайсиз. Телефон ҳатто NFC ва Samsung Pay сервисларини қўллаб-қувватлаши тахмин қилинмоқда. Лекин, Samsung Galaxy Folder 2 сингари янги раскладушка ҳам фақат Хитой бозори учун чиқарилиши эҳтимолдан холи эмас.

Terabayt.uz сайтининг видеолари: Youtube'даги каналимизда!