Samsung қайишқоқ дисплейли илк планшетни патентлади – уни ҳар икки томонга ҳам буклаш мумкин!
Айни дамда кўплаб смартфонсозлар эгилувчан экранли букланувчи телефон яратиш устида ишлаётганидан хабарингиз бор. Жанубий кореялик гигант эса аллақачон шунақа қурилмасининг намойишига таклифнома ҳам тарқатган.
ЎҚИНГ: Ниҳоят, Samsung қайишқоқ дисплейли буклама смартфон тақдимотига таклиф этяпти! (+видео)
Бундан ташқари, Samsung Display компанияси буклама экранли планшет учун ҳам патент олганлиги фош бўлиб қолди. Тегишли патент аризаси Бутунжаҳон интеллектуал мулк ташкилотига жорий йилнинг апрелида топширилган, патентни эса 11 октябрда беришган.
Патентда акс эттирилган қурилмани қоқ ўртасидан ҳар икки томонига букиш мумкин. Яъни, букланган ҳолатида девайснинг экрани унинг ичида бўлиши ҳам, ташқарисида қолиши ҳам мумкин. Фойдаланувчи интерфейси эса тўлиқ экранга ҳам, унинг ярмида ҳам мослашиб ишлайверади.
Шунингдек, яқинда Жанубий Кореяда ўтказилган ноутбуклар тақдимотида Samsung’нинг маркетинг бўйича вице-президенти қизиқ гап айтган. Унга кўра, компания аллақачон қайишқоқ экранли ноутбуклар устида ҳам ишламоқда!
Бизнинг Terashop.uz интернет-дўконимизда эса қулай нархларда, Ўзбекистон бўйича етказиб бериш хизмати билан турли планшетлар ва ноутбуклар савдоси ҳам йўлга қўйилган.
