Samsung қурилмаларининг қайсилари қачон Android 10'га ўтади?
Android 10'нинг илк версияси чиққанига деярли уч ой бўлди. Samsung фойдаланувчилари эса ўз қурилмаларига оператисион тизим қачон келишига қизиқмоқда.
Аммо, кореялик техногигант шошқалоқлик қилишни ёқтирмайди. Компания янгиланиш учун барча нарсани тайёр ҳолатга келтириб, тизим янгиланиши жараёнини бирин-кетин амалга оширади.
Сўнгги маълумотларга кўра, Samsung Android 10 янгиланиш муддатини 2020 йилга режалаштирган. Буни Samsung Members иловасини синчковлик билан ўрганиб чиққан исроиллик фойдаланувчилари аниқлади.
Рўйхатдан маълум бўлишича, компания камида 28 та смартфон ва планшет моделларини Android'нинг охирги версиясига ўтказишни режалаштирмоқда. Шундай қилиб, келаси йилнинг январь ойидан бошлаб One UI 2.0 қобиқли Galaxy Note10, Galaxy S10 ва Galaxy Note 9 оилаларининг флагманларига Android 10 кела бошлайди.
Масаланинг эътиборли томони шундаки, янгиланишни қабул қилувчилар сонига Galaxy S8 сериясининг флагманлари киритилмаган. Аммо, бу рўйхат якунлангани йўқ ва кенгайтирилиши мумкин, чунки бу рўйхатда йиғиладиган Galaxy Fold, Galaxy A50s ва Galaxy M вакиллари ҳозирча мавжуд эмас.
Келгуси йилнинг апрель ойидан бошлаб One UI 2.0'ни Galaxy Tab, Galaxy S9, Galaxy A ва Galaxy J оилалари қабул қила бошлайди. Май ойида янгиланиш Galaxy A10/A10s/A20/ A30s'га келади. Galaxy J6 ва Galaxy A20s учун янгиланиш июнь ва июнь ойларига режалаштирилган. Июль ойида эса Galaxy J6+, Galaxy J8 ва Galaxy Tab S5e смартфонларига келади.
Қуйида Google'дан операцион тизимнинг сўнгги версиясини қабул қилишлари кутилаётган моделларнинг рўйхати келтирилган:
•Galaxy S10/S10+/S10e
•Galaxy Note10/Note10+
•Galaxy Note 9
•Galaxy S9/S9+
•Galaxy Tab S6
•Galaxy Tab S5e
•Galaxy Tab S4 10,5
•Galaxy Tab A 10.1 (2019)
•Galaxy Tab A 8 (2018)
•Galaxy Tab 10.5
•Galaxy A80
•Galaxy A70
•Galaxy A50
•Galaxy A30s
•Galaxy A30
•Galaxy A20s
•Galaxy A10s
•Galaxy A10
•Galaxy A9 (2018)
•Galaxy A7 (2018)
•Galaxy J8
•Galaxy J6/J6+
ЎҚИНГ: Яқин кунларда One UI 2.0'нинг иккинчи бета-талқини тақдим қилинади
