Samsung радикал экран дизайнини патентлади

Samsung радикал экран дизайнини патентлади

Samsung'га тўрт томондан қайрилган экран дизайни учун патент берилди — дисплей тепадан, пастдан, ўнг ва чап томонлардан ҳам қайрилган бўлиб, ҳошиялар фақат олд панель бурчакларида мавжуд.

Компания ушбу дизайнни ўтган йили ёзда патентлаш учун топширган бўлиб, янгича кўриниш ўтган ойга келибгина Бутунжаҳон Интеллектуал Мулк Ташкилотининг патентлар рўйхатига киритилди.

Бурчаклардаги ҳошиялар келаси дизайнларда ҳам олиб ташланмаслиги эҳтимоли юқори, сабаби смартфон қўлдан тушиб кетганда энг кўп шикаст етадиган нуқта бу айнан унинг бурчаклардир, шу сабабдан ҳам бурчакларни метал билан ҳимоялаш талаб қилинади.

Смартфонга тўрт томондан қайрилган дисплей қўйиш ишлаб чиқарувчига қатор қийинчиликлар келтириб чиқаришига ҳам эътибор бериш керак. Бунда қатор компонентлар, жумладан, USB порт ва тугмачаларни ҳам олиб ташлашга тўғри келади.

LetsGoDigital Concept Creator билан ҳамкорликда ушбу патентнинг 3D рендерларини яратди. Рендерда селфи камера кўринмаяпти, лекин Samsung тирқиш камера ечимидан фойдаланиши мумкин. Корпусдан сизиб чиқувчи камера қўйиш учун эса жой етарли эмас. Балким, экран ости селфи камерасидан фойдаланилар, лекин бу ҳозирча бироз футурустик концепция ҳисобланади.

Техник терминларда, Huawei'нинг P40 Pro флагмани дисплейи ҳам тўрт томондан қайрилган, аммо бунда юқори ва қуйи томон дисплейи унчалик ҳам қайрилмаган. Ён томонлардан эса, тугмачаларга жой қолдириш учун Mate 30'лардаги каби деярли 90° га қайрилган «шаршара экран»дан воз кечилди.

Истиболда тўрт томондан қайрилган экранлар оммалашса, тугмача ва портларсиз смартфонлар пайдо бўлиши аниқ.

ЎҚИНГ: Samsung'чиларга иккита хабар бор: бири яхши, бири ёмон. Қайси биридан бошлайлик?

Сайтимизнинг энг чиройли расмларини Инстаграмдаги саҳифамизда томоша қилинг!