Samsung «раскладушка»сини илк «жонли» расмларда батафсил томоша қилинг!

  •   DiMaX
  •  851
  •  19.12.2019 15:31

Samsung «раскладушка»сини илк «жонли» расмларда батафсил томоша қилинг!

Етакчи смартфонсоз Galaxy Fold букламафонини бир қатор машмашалардан сўнг самарали сотмоқда. Кейинроқ унинг иккинчи авлодини Samsung W20 5G номи остида тақдим этилган ва 4200 долларгача нархда савдога чиққан.

ЎҚИНГ: Машҳур наркобароннинг акаси энг арзон букламафон тақдим этди ва Apple’ни яксон қилишга сўз берди!

Samsung бундан ташқари Motorola RAZR сингари «раскладушка» тарзида – тиккасига букланувчи ҳамда ҳар икки томонга букилувчи смартфонлар ҳам тайёрламоқда.

Ice Universe никли тармоқ информатори Samsung тайёрлаган «раскладушка» смартфоннинг бир нечта «жонли» суратларини эълон қилди. Galaxy Fold’га нисбатан анча ихчам бўлган бу девайс конструкцияси Moto Razr 2019 моделига ўхшаш.

Қайишқоқ экраннинг юқори қисми марказида олд камера учун тирқиш очилган. Экраннинг атрофини қалин ром ўраб турганини кўрамиз. Лекин смартфоннинг техник хусусиятлари ҳозирча ошкор этилмаётир.

Бош камера иккита датчикни ва фоточақноқни ўз ичига олган, унинг ёнида эса қўшимча – ёруғлик-диодли ихчам дисплей жойлашган. Бу экранчада сана ва вақт, шунингдек, аккумуляторнинг қувват даражаси акс этиб туради.

Корпуснинг пастки қисмида USB-C порти ҳамда громкоговорителга кўзимиз тушади.

Samsung ушбу букламафонини 2020 йилнинг 7–10 январь кунлари Лас-Вегас шаҳрида (Невада, АҚШ) бўлиб ўтадиган CES 2020 (Consumer Electronics Show) кўргазмасида ёки февралдаги MWC 2020 тадбирида тақдим этиши мумкин.

ЎҚИНГ: Galaxy S11 флагманлари эртароқ намойиш этилади – MWC 2020’ни ҳам кутмаймиз!

Хабарларни тез ва осон ўқиш учун Андроид иловамизни сақлаб олинг.