Samsung расман Galaxy S8’да олинган фотосуратларни тақдим қилди
Samsung Galaxy S8’нинг тақдимотига 2 ҳафтадан ошган бўлса ҳам, инсайдер ва нашрлар янги “байроқдор” смартфон тўғрисида ёзишдан тўхтаётганлари йўқ. Технология ва имкониятларга бой янги гелексидаги бош камера имкониятлари эса доимгидай девайсга баҳо беришнинг бош мезонларидан бири.
Samsung янги смартфонига 12 мегапикселли f/1,7 стандартидаги оптик апертура билан таъминланган ва Dual Pixel фокуслаш технологиясига эга, аввалгиларидан янада такомиллашган камера иловаси билан фарқ қилувчи сурат тизимини жорий қилган.
Журналист ҳамда фотографлар томонидан Samsung Galaxy S8’нинг камерасида турли хил шароитда олинган суратлар тинимсиз эълон қилинмоқда. Samsung фойдаланувчилар қизиқиш ва талабини ҳисобга олиб, сўнгги смартфонининг камера имкониятларини мустақил синаб кўришга қарор қилди. Ишлаб чиқарувчининг маълум қилишича, қуйидаги суратлар Galaxy S8 флагманида олинган ва ҳеч қандай график-тасвир дастурларида таҳрирланмаган.
Аммо, айтиш жоизки, суратга олинган манзараларни тасвирга олиш диққат билан режалаштирилган ҳамда ёруғлиқ яхши шароитда олинган. Уларни олишда махсус уч оёқли фото-тиргак ҳамда сабр-тоқат ёрдамида олинган. Бошқача айтганда, идеал шароитда олинган бу тасвирларда Samsung Galaxy S8 камерасининг имкониятлари максимал даражада очиб берилган.
Шунингдек, яхши сурат олишда Samsung Galaxy S8 ҳамда iPhone 7 Plus флагманларининг бош камералари ўртасидаги “жанг”га бағишланган мақоламизни ҳам ўқинг.
