Samsung смартфонлар савдоси бўйича етакчи
Omdia эълон қилган маълумотларга кўра, 2022 йилнинг учинчи чорагида смартфонлар етказиб бериш ҳажми иккинчи чоракка қараганда бироз ошди. Аммо ўтган йилнинг шу даврига таққослаганда етказиб бериш ҳажми пастлаган.
64.1 миллион дона смартфон етказиб берган Samsung иккинчи чоракка қараганда 3% кўпроқ смартфон сотган. Ўтган йилнинг шу даврига нисбатан эса савдо 7.4% пастлаган. Бу борада иккинчи натижани 52.2 миллион дона смартфон етказиб берган Apple эгаллади. Ўтган йилнинг шу даврига қараганда Apple'нинг савдоси 2.6% га ошган. Шунингдек, Huawei ҳам ўтган йилнинг учинчи чорагига нисбатан бу йил кўпроқ смартфон етказиб берган.
Хитойлик компаниялар ичида Xiaomi етакчи. Компания учинчи чоракда 40.5 миллион дона смартфон етказиб берган. Бу ўтган йилнинг шу даврига нисбатан 11.2% га кам деганидир. Oppo 29.1 миллион дона смартфон сотган. Ўтган йилнинг шу даврида ушбу кўрсаткич 18.9% га кўпроқ эди. vivo савдоси ҳам пастлаган - 25.3 миллион. Бу савдо бир йил ичида 22.4% га пастлаганини билдиради.
Transsion учинчи чоракда 15.1 миллион дона смартфон етказиб берган. Компаниянинг савдоси бир йил ичида 21.7% га камайган. realme'нинг савдоси ҳам ўтган йилнинг учинчи чорагига нисбатан 11.7% га пастлаган. Honor бу борада бироз стабил кўрсаткич қайд этган. Шу йилнинг учинчи чорагида компания 14.2 миллион дона смартфон сотган бўлса, ўтган йилнинг шу даврида бу кўрсаткич 14.5 миллион эди.
ЎҚИНГ: Тез орада Windows 11 билан смартфонингиз маълумот узатиш нуқтасини ёқа оласиз
