Samsung смартфонларидаги сирли диагностика функциясидан қандай фойдаланиш мумкин?

Samsung смартфонларидаги сирли диагностика функциясидан қандай фойдаланиш мумкин?

Баъзан шундай пайтлар бўладики, сизнинг Samsung Galaxy планшетингиз ёки смартфонингиз яхши ишламай қолади. Эҳтимол, муаммо сенсор экранингизда ёки батареянгизда бўлиши мумкин. Буни билиш учун эса сиз Samsung қурилмангизни тўлиқ диагностика қилишингиз мумкин. Қандай дейсизми? Унда ўқишда давом этинг.

Galaxy смартонфингиз ёки планшетингизни носозликларга текшириш учун сизга Samsung Members иловаси керак бўлади. Уни сиз Google Play Store иловалар дўконидан юклаб олишингиз мумкин. Иловани юклаб олиб, ўрнатганингиздан кейин унга киришингиз билан Diagnostics тугмасини кўрасиз ёки иловадаги Support ёрлиғига ўтиб, у ердан ҳам Diagnostics бўлимига ўтишингиз мумкин. Ёки шунга ўхшаш яна бошқа йўл: Созламалар иловасини очинг ва у ердан Device Care бўлимига ўтиб, у ердан Diagnostics'га ўтинг.

Diagnostics бўлимида сизга қурилмангизнинг асосий функциясилари рўйхати кўрсатилади. Сиз уларнинг ҳар бирини алоҳидадан босиб, синовдан ўтказишингиз ёки пастдаги "Test All", яъни "ҳаммасини тест қилиш" тугмасини босиб, бирин-кетин текширишингиз мумкин бўлади. Айрим функциялар автоматик тарзда текширилади, айримларига эса сиз ёрдам беришингиз керак. Масалан, экран сенсорини текшириш учун кўрсатилган катакчаларни ҳаммасини бўяб чиқишингиз талаб этилади. Шундай қилиб, тест давомида функциялар тўғри ишлаяптими деган саволларга ҳолатга қараб жавоб беришингиз ҳам керак.

Муваффақиятли амалга оширилган синовлар кўк билан белгиланади. Натижани кўриш ёки қайта тест қилиш учун сиз унинг устига босишингиз мумкин. Айтиш керакки, маълум функцияларни сиз кейинроқ тест қилиш учун ўтказиб юборишингиз ҳам мумкин. Агар қурилмангиздаги биронта функцияда хатолик аниқланса, у қизил билан белгинади ва сизга илова ичида керакли маслаҳатлар таклиф қилинади.

ЎҚИНГ: Ўзбекистонда мобил интернет нархи арзонлашди(ми?)

Сайт янгиликларидан доимий хабардор бўлиш учун Телеграм каналимизга қўшилинг!