Samsung «Star» номи остида янги флагман тайёрламоқда
Samsung флагман яратишда жаҳоннинг 1-рақамли ишлаб чиқарувчиларидан. Ҳар йили бу IT-гигант томонидан камида 3 номдаги янги "байроқдор" моделлар тақдим қилиб келинади. Жумладан, смартфонсознинг Galaxy S9 гаджети тўғрисидаги янгиликлар ҳозирданоқ диққат марказида.
Бугун кореялик электроника брендининг янги флагмани Geekbench ресурсида аниқланди. Мутахассисларнинг фикрича, бу -- Samsung Galaxy S9. Ҳозирча янги смартфонга «Star» ҳамда Plus талқинига «Star 2» деб берилган ном маълум.
Янги чип
Galaxy S9 -- тайёрланаётган "сюрприз"нинг бир қисми. Смартфон билан боғлиқ яна бир муҳим янгилик бор: илғор Snapdragon 845 (sdm845) процессори. Qualcomm бу галги "байроқдор" чипини 4 та ядро билан "қуроллантирган". Бу чипнинг частота тезлиги 1,78 ГГц.га тенг, шунингдек 845 чипи 7 нанометрли тех-жараёнда ишлайди.
Ҳозирча янги флагман 7371 балл тўплаган. Бироқ, бу дастлабки кўрсаткичлар ва сўнгги натижа эмас. Боиси, Galaxy S8 бу тестда 9000 балл тўплаган эди.
Флагман жиҳатлари янада қизиқарли
Имтиҳода янги флагман «samsung SM-G9650» номи билан рўйхатга олинган. Гаджет Android 7.1.2 операцион тизими бошқарувида ишлайди ва 4 ГБ оператив хотирага эга бўлади.
Смартфоннинг олд панели тўлиқ шишадан тайёрланиши, сенсор бармоқ излари сканери дисплейга жойлаштирилиши, смартфон бош камераси қўш объективли бўлиши маълум қилинмоқда.
Шунингдек, компания 2017 йилнинг март ойидан бошлаб янги флагман учуг махсус экран тайёрламоқда.
Тақдимот ва нарх-наво
Galaxy S9 2018 йилнинг март ойи охирларида тақдим қилинади. Унинг энг арзон талқини $710 АҚШ долларидан сотувга чиқарилади.
