Samsung тўртта Galaxy Book лептопини тақдим қилди
Samsung компанияси Windows 10 тизимида ишловчи тўртта янги лептоп тақдим қилди. Уларнинг ҳар бири ўзига хос хусусиятга эга.
Қурилмалардан бирининг вазни бир килограммга ҳам бормайди, бироқ унда ҳамма керакли жиҳат бор. Иккинчиси эса санъаткорлик қобилиятларингизни юзага чиқаришга ёрдам беради. Учинчиси RTX график процессори билан жиҳозланган бўлса, тўртинчиси ҳамёнбоп нархда етарлича кучли функцияларни тақдим этади.
ЎҚИНГ: Apple ўзининг М1 процессори базасида iPad Pro ва турфа рангли iMac’лар тақдим этди
Samsung Galaxy Book Pro
Ушбу ноутбук портативлиги билан ажралиб туради. 13.3 дюйм диагоналли экранга эга қурилманинг вазни бир килограммга ҳам бормайди. 15.6" модели эса бир килодан сал кўпроқ тош босади холос. Ҳар икки лептоп жуда ингичка. Ноутбукларнинг энг ёқимли жиҳати уларга ўрнатилган AMOLED дисплейидир.
Иккала қурилма экрани резолюцияси бир хил — 1,920х1,080p. Дисплейлар DisplayHDR 500 сертификатига эга. Бу эса улар кенг ранглар гаммасини акс эттира олиши ва 500 нитгача ёрқинликка эришишини кўрсатади. Шунингдек, экранлар DCI-P3 диапозонидаги рангларнинг 120% ини қамраб олган ва буйруқларга 0.2 миллисекундда жавоб қайтара олади. Бажараётган амалингизга қараб sRGB ёки Адобе RGB режимларидан бирини ёқиб қўйишингиз ҳам мумкин.
Samsung Galaxy Book Pro
Ҳар икки лептоп 11-авлод Intel Core процессори билан жиҳозланган бўлиб, i3, i5 ва i7 CPU конфигурациялари ҳамда 8/16/32ГБ LPPDR4X оператив хотира опцияларига эга. Асосий хотира эса NVMe SSD шаклида бўлиб, 1 терабайтгача сиғимга эга. и5 ва и7 CPUли версиялар Iris Xe график процессорига эга, бироқ ихтиёрий GeForce MX450 GPUси ҳам бор. Лептопларда бир неча унумдорлик режимлари, жумладан, овозсиз ва парраксиз режимлари мавжуд.
Портларга келсак, 15.6" моделида битта Thunderbolt 4, битта USB-C, битта USB-A 3.2, HDMI порти, 3.5 мм аудио жек/микрофон ва microSD карта слоти бор. 13.3" талқин эса HDMI портига эга эмас, бироқ ихтиёрий нано-SIM слоти ўрнатилган ва бу билан 4G LTE алоқасидан фойдаланиш мумкин бўлади.
Маҳаллий тармоқларга уланиш учун иккала лептопда Wi-Fi 6E Ready мавжуд. Яна бошқа ижобий томонлар қаторига AKG созламали аудио, Dolby Atmos, 720p веб-камера ва қувват тугмасига ўрнатилган бармоқ изи сканери киради.
Samsung Galaxy Book Pro 13.3" модели 870 грамм тош босади. Қалинлиги эса 11.2 мм, унга 63 ватт-соатлик аккумулятор ўрнатилган. 15.6" модель эса 1.05 кг оғирлик ва 11.7 мм қалинликка эга. Унга бироз каттароқ — 68 ватт-соатлик аккумулятор қўйилган. Ҳар икки лептоп 65 ваттлик адаптер ёрдамида USB-C порти орқали қувват олади.
Samsung Galaxy Book Pro Mystic Pink Gold • Mystic Silver • Mystic Blue рангларида
Samsung'нинг АҚШдаги офислари аллақачон Galaxy Book Pro учун олдиндан буюртмаларни қабул қилмоқда. 13.3" модель бархи 1,000 доллардан, 15.6« модель нархи эса 1,100 доллардан бошланади. Сотувлар 14 майдан бошланади. Сотувлар очилишидан олдин буюртма берсангиз, кейинроқ ишлатиш учун 100 долларлик дўкон кредитига эга бўласиз.
ЎҚИНГ: Snapdragon 750G чипи ва 5,000 мАс аккумуляторга эга Samsung Galaxy M42 5G смартфони тақдим қилинди
Samsung Galaxy Book Pro360
Агар тачскриндан фойдаланмоқчи бўлсангиз ёки стилус (S Pen, албатта) ишлатмоқчи бўлсангиз, унда Samsung Galaxy Book Pro360 лептопи айнан сиз учун. Бу ноутбук 13.3 ёки 15.6 дюйм диагоналли экранга эга. Лептоплар экрани 1080п резолюцияси (16:9 форма фактори) ва DisplayHDR 500 сертификатига эга. Дарвоқе, S pen'ни алоҳида сотиб олиш шарт эмас, қадоқ ичида стилус бор.
Samsung Galaxy Book Pro360 13.3" ихтиёрий 5G алоқасига эга. Ҳар икки ўлчамли ноутбуклар Wi-Fi 6E Ready'ни қўллаб-қувватлайди. Симли уланишлар учун эса битта Thunderbolt 4 порти, иккита USB-C порти, 3.5 мм аудио жек/микрофон ва microSD карта слоти мавжуд. 5G алоқали версияда нано-SIM слоти ҳам бор.
Galaxy Book Pro'лар каби, ушбу қурилмалар 11-авлод Intel Core i3, i5 ва i7 процессорлари билан жиҳозланган. i5 ва i7 версияларда ихтиёрий Iris Xe графикаси ҳам бор, лекин Nvidia MX450 мавжуд эмас. 13.3” модель 8ГБ ёки 16ГБ, 15.6" талқин эса 32ГБгача бўлган оператив хотирага эга. NVMe SSD ҳажми 1ТБгача. Аккумуляторлар қувват сарфи ҳам Galaxy Book Pro'ларники билан бир хил. Кичикроқ модель 63 ватт-соат, каттароқ модель эса 65 ватт-соат аккумуляторга эга. Лептопларнинг ҳар иккиси USB-C порти орқали 65 ваттда заряд олади. AKG аудио, Dolby Atmos, 720p веб-камера ва бармоқ изи сканери кабилар ҳам бор.
Samsung Galaxy Book Pro360
13.3" моделнинг Wi-Fi'ли талқини 1.04 кг, 5G'ли версияси эса 1.1 кг тош босади. 15.6" модель эса 1.39 кг вазнга эга. Кичикроқ лептоп 11.5 мм, каттаси эса 11.7 мм қалинликка эга.
Samsung Galaxy Book Pro360 Mystic Bronze • Mystic Navy • Mystic Silver рангларида
Ҳар иккала Galaxy Book моделлари MIL-STD-810G сертификатига эга. Қурилмалар паст ва юқори босим, тебраниш, чанг, намлик ва ҳатто туз сепилган синовларидан ўтган.
Galaxy Book Pro360 лептопларига ҳозирданоқ олдиндан буюртма бериш мумкин. 13.3" модель 1,200 доллар, 15.6" модель эса 1,300 доллар туради. Сотувлар 14 майдан бошланади. Олдиндан буюртма берсангиз, Amazon'да 150 долларлик дўкон кредити, Best Buy'да 150 долларлик совға сертификати, Samsung.com сайти ёки Samsung Experience дўконларидан буюртма қилсангиз, текин Galaxy Buds Pro қулоқчинларига эга бўласиз.
ЎҚИНГ: 2020 йилги қайси Samsung рекламаси истеъмолчиларга энг таъсир қилгани маълум бўлди
Samsung Galaxy Book Odyssey
Агар портативликдан кўра сизга унумдорлик муҳим бўлса, бу борада Odyssey ўз ишини аъло даражада бажаради. 15.6 дюйимли лептоп олиб юриш учун қулай, чунки унинг вазни 1.85 кг, қилинлиги эса 17.7 мм ни ташкил қилади. Девайснинг аккумулятор қувват сарфи 83 ватт-соат бўлиб, 135 ваттда қувват олади.
Galaxy Book Odyssey икки хил Nvidia график процессори: GeForce RTX 3050Ti Max-Q ҳамда 3050 Max-Q'да ишлайди. Ушбу график процессори 11-авлод Intel Core i5 ва i7'га эга.
Қурилма 8/16/32ГБ LPDDR4X оператив хотирага ҳамда 1ТБгача бўлган NVMEe SSDга эга. Агар ўзингиз лептопга тезкор хотира ўрнатмоқчи бўлсангиз, бу учун иккинчи NVMe слоти ҳам мавжуд.
Қурилмада уланишлар танлови ҳам кенг бўлиб, иккита USB-C, учта USB-A 3.2, HDMI, аудио жек портлари, microSD ва ҳавсизлик слотлари ҳамда LAN порти мавжуд.
Odyssey 15.6 дюймли TFT LCD дисплейига эга бўлиб, унинг резолюцияси 1920 х 1080p ни ташкил қилади.
Samsung Galaxy Book
Ушбу модель сериядаги энг оддий лептоп бўлса ҳам, унинг кучли томонлари мавжуд. Агар RTX график процессори ҳамда AMOLED дисплей сиз учун муҳим бўлмаса, Galaxy Book яхши тонловдир.
Қурилмага 15.6 дюймли LCD TFT дисплейи ўрнатилинган. Лептоп 11-авлод Intel Core i3/i5/i7 процессорларида ишлайди. Galaxy Book'нинг арзонроқ талқинлари бўлиб, улар Pentium Gold ёки Celeron процессорида ишлайди.
LPDDR4X оператив хотира турининг 4/8/16ГБ вариянтлари мавжуд. Қурилмада фақат битта 512ГБ гача бўлган NVMe SSD бор. Шундай бўлса-да лептопга қўшимча SSD ўрнатиш мумкин. Galaxy Book'нинг барқарор ишлашига GeForce MX450 график процессори жавоб беради.
Ушбу модель ҳам қолган лептоплар каби енгил ва ингичка. Қурилма қалинлиги 15.4 мм, вазни эса 1.55 кг ни ташкил қилади. Аккумулятор қувват сарфи 54 ватт-соат бўлиб, 65 ваттда заряд олади. Galaxy Book AKG созламали аудиога эга бўлмаса-да, Dolby Atmos функциясига эга. Бармоқ изи сканери эса қувват тугмасида жойлашган.
Odyssey'дан фарқли равишда, Galaxy Book'да 5G алоқаси мавжуд эмас. Бироқ қурилмадаги уланишлар танлови кенг бўлиб, иккита USB-C, иккита USB-A 3.2, битта HDMI, комбо жек портлари ҳамда ҳавсизлик, microSD ва SIM карта учун слотлар мавжуд.
ЎҚИНГ: Samsung ўйиндан чиққан йўналишда унинг ёрдами билан Xiaomi биринчи бўлади!
