Samsung W2019: иккита экранли премиум «раскладушка» тақдим қилинди

  •   DiMaX
  •  1730
  •  10.11.2018 17:55

Samsung W2019: иккита экранли премиум «раскладушка» тақдим қилинди

Жанубий кореялик техногигант ўтган йилнинг декабрида Samsung W2018 русумли премиум смартфонини намойиш қилганди. Унинг давомчисини эса тўлиқ бир йил ҳам ўтмасдан – 9 ноябрда расман тақдим этди.

ЎҚИНГ: Иккита iPhone X нархидаги Samsung W2018: қўш экранли премиум «раскладушка» расман тақдим этилди (+видео)

Ўтган йилги «аждод»ига нисбатан Samsung W2019 моделининг асосий фарқлари – янада қудратли процессор, қўшалоқ камера ва ён томонда жойлашган дактилоскопик датчикдир.

Хуллас, Samsung W2019 флагмани корпусининг ташқи томонида 4,2 дюймлик S-AMOLED-дисплей мавжуд. Унинг тасвир аниқлиги Full HD форматида, яъни 1920x1080 пикселли. Смартфоннинг ички томонидаги экрани ҳам худди шундай ўлчам ва аниқликка эга.

Ёпиқ ҳолатда бу «раскладушка»нинг ўлчами 132,9x63,4x17,3 миллиметрни ташкил этади, вазни эса 257 граммга тенг. Корпуснинг орқа томони Corning Gorilla Glass билан қопланган, у икки хил: пушти олтин ҳамда платина тусли корпусларда ишлаб чиқарилмоқда.

ЎҚИНГ: Samsung W2019 буклама флагманини илк «жонли» видео ва суратларда ҳар томонлама кўрамиз!

Samsung W2019 асосий камераси қўшалоқ: 12 МП (f/1.5 — f/2.4.) + 12 МП (f/2.4.) аниқликдаги сенсорлардан иборат. Унда икки карралик оптик зумга ва икки тусли ёруғлик-диодли фоточақноққа эга. Камера сониясига 60 кадр тезлигида 4К сифатли видео олади. Шунингдек, сониясига 960 кадр тезлигида Full HD сифатли секинлаштирилган видео туширишга ҳам қодир. Селфи-камераси эса 8 мегапикселлик датчикка эга.

Қурилманинг «электрон юраги» Snapdragon 845 чипи бўлиб, 6 гигабайтлик тезкор хотира билан ҳамкорликда ишлайди. Samsung W2019 доимий хотираси ҳажмига кўра 128 ва 256 гигабайтлик вариантларда чиқади, уларга яна 512 ГБгача ҳажмли microSD-карта ҳам қўйиш мумкин. Батареяси 3070 мА/соатлик бўлиб, у Fast Charge тезкор қувватлаш технологияси билан таъминланган. Ишлаб чиқарувчининг таъкидлашича, унинг тўлиқ қуввати кутиш режимида 85 соатгача, сўзлашув режимида эса 280 дақиқагача етади.

ЎҚИНГ: Samsung Galaxy S8/S8+ ҳамда Note 8 эгаларига ажойиб хушхабар бор!

Мазкур премиум смартфон иккита SIM-картани қўллаб-қувватлайди ва Samsung Experience UI график қобиғи остидаги Android 8.1 Oreo тизимига эга. Симсиз интерфейслардан Wi-Fi 802.11ac, Bluetooth 5.0, A-GPS, NFC, 4G VoLTE ҳамда GLONASS модулларига ҳам эга. Корпусида қулоқчин учун 3,5 миллиметрлик аудиотирқиш кўзда тутилмаган, USB Type-C порти мавжуд. Ён қиррасида Bixby овозли ёрдамчисини чақириш учун алоҳида тугмачаси ҳам бор.

Samsung W2019 фақат Хитой бозорига мўлжалланган бўлиб, China Telecom алоқа оператори томонидан сотувга қўйилади. Нархи ҳам чаккимас – 6/128 ГБ хотирали бошланғич версияси 1500 долларга тушади. Айни дамгача савдога чиққан кўплаб моделлардаги бошқа Samsung смартфонларини 899 000 сўмдан бошланувчи нархларда Terashop.uz интернет-дўконимиздан онлайн буюртма билан харид қилишингиз мумкин.

ЎҚИНГ: Terashop.uz’да Samsung смартфонлари нархлари (2018 йил 7 ноябрь) – харидингиз Ўзбекистон бўйлаб бепул элтиб берилади!

Хабарларни тез ва осон ўқиш учун Андроид иловамизни сақлаб олинг.