Samsung яна Galaxy Fold учун буюртма ола бошлади!

  •   DiMaX
  •  830
  •  26.08.2019 15:20

Samsung яна Galaxy Fold учун буюртма ола бошлади!

Жанубий Кореялик гигант Galaxy Fold дисплейидаги носозлик туфайли ўз хатосини тан олиб, узр сўрашга мажбур бўлганди. Кейин уларнинг сотувга қўйилганларини қайтариб олган, сўнгроқ қайта савдога чиқариши айтилган бўлса-да, сотувчилар буюртмаларни бекор қилишган. Бироқ барибир уни икки хил версияда қайта чиқариши маълум бўлганди.

ЎҚИНГ: Samsung расман эълон қилди: Galaxy Fold сентябрда сотувга чиқади!

Кутилганидек, кейинги ойда қайта тақдим этилиши кутилаётган мазкур букламафон учун Samsung тағин олдиндан буюртма ола бошлади. Аниқроғи – Galaxy Fold учун ҳозирча компаниянинг Хитойдаги расмий сайтида аввалдан буюртма расмийлаштириш мумкин.

Samsung бу инқилобий гаджетининг қайта тақдимоти санасини ҳозирча айтмай турибди, лекин The Investor нашрига кўра, намойиш 18, 19 ёки 20 сентябрда бўлиб ўтади. Яъни – «ашаддий рақиб»нинг янги авлод iPhone’лари сотила бошлашидан аввал.

Айтиш керакки, Galaxy Fold тузилишига бир қатор ўзгаришлар киритган бўлса-да, унинг нархи ўзгармаган – 1980 доллар. Бизнинг Terashop.uz онлайн дўконимизда эса турли русумлардаги Samsung телефонларини атиги 705 000 сўмдан бошланувчи нархларда сотиб олиш мумкин.

ЎҚИНГ: Samsung вертикалига букланувчи букламафонни патентлади

Хабарларни тез ва осон ўқиш учун Андроид иловамизни сақлаб олинг.