Samsung яна жаримага тортилди: бу сафар нақ 400 миллион долларга
Май ойида Samsung компаниясига бир вақтлар iPhone дезайнини кўчириб олгани учун Apple фойдасига 539 миллион доллар жарима солинган эди, энди эса Техас штати округ суди компанияни яна бир бор йирик миқдорда жаримага тортди. Бу сафар компания Корея илғор технологиялар институти KAIST фойдасига 400 миллион доллар тўлаши керак.
Samsung FinFET-транзисторлари технологияларига потент олиш тартибларини бузганликда айбланмоқда. Ушбу технология замонавий процессорларга ва бошқа микросхемаларга ишлатилади. KAIST илгари сураётган айблов бўйича Samsung ушбу технологияни ишлаб чиқаришда иштирок этмаган ва лойиҳани истиқболсиз, деб ҳисоблаган. Бироқ, Intel ихтирони лицензиялаштиргандан кейин ҳамда FinFET базасида ўз ечимини ярататишни бошлагандан кейин ҳаммаси ўзгарган.
ЎҚИНГ: Биз сотиб ололмайдиган 512 ГБ’ли Samsung Galaxy Note 9
Табиийки, Samsung бу айбловларни инкор этди. Уларнинг маълум қилишича, компания KAIST институти билан ҳамкорлик қилган, шу сабабли ҳеч қандай қонунбузарликка йўл қўйилмаган. Устига -устак жавобгар патентнинг ҳақиқийлиги бўйича ҳам баҳслашишга умид қилганди, лекин бу уринишдан ҳам ҳеч нарса чиқмади.
Суд ушбу қонунбузарликни атай қилинган, деб топди, бу эса, тавон пули миқдори 1.2 миллиард долларгача кўтарилиши мумкин, деганидир. Бу қарордан Samsung рози эмас ва апелляцияга беришни мўлжаллаяпти.
Жарима тўлаш муаммосига биргина Samsung аралишиб қолгани йўқ, албатта. Qualcomm ва GlobalFoundries ҳам KAIST потентини бузганликда айбланди, аммо улар жаримадан қутилиб қолишган
ЎҚИНГ: Samsung сир тутиб келаётган икки экранли буклама смартфоннинг суратлари пайдо бўлди
