Samsung янги авлод оператив хотирасини тақдим этди
Samsung биринчи бўлиб LPDDR5x оператив хотирасини ишлаб чиқди. Ушбу хотиранинг тезлик ҳамда сиғим имкониятлари аввалги LPDDR5 хотирасиникига қараганда анча яхшиланган, шу билан бирга у 20% камроқ энергия сарфлайди.
LPDDR5x оператив хотирасининг тезлиги 8.5 Гбит/секундга етиши мумкин. Аввалги LPDDR5 хотирасининг тезлиги эса 6.4 Гбит/секундни ташкил қилар эди.
Янги авлод оператив хотира 14 нанометрлик жараён асосида яратилган бўлиб, 64ГБ гача бўлган хотира ҳажмини қўллаб қувватлайди. Бу эса катта ҳажмли оператив хотирага эга бўлган смартфон, планшет ҳамда ноутбукларнинг пайдо бўлишига сабаб бўлади.
