Samsung "Galaxy F" смартфон туркумини жорий қилади

Жаҳон миқёсида Samsung смартфонларига бўлган талабнинг тушиб кетаётгани Жанубий кореялик смартфон ишлаб чиқарувчи учун кутилмаган янгилик бўлди. Компания бозордаги нуфузини тиклаш учун смартфон моделлари туркумини янгилашга қарор қилган.

Samsung шу кунларда ҳамёнбоп туркумларига қайта тартиб беришга киришган. Шу билан бирга, янги "Galaxy F" туркумида эса «super-high-end», яъни энг юқори жиҳатларга эга флагманлар тақдим қилинади.

"Galaxy F" туркумига мансуб смартфонлар шу кунгача "Galaxy S" ҳамда "Galaxy Note" туркумида тақдим қилинган флагман туркумларини бирлаштиради. Шу билан бирга, янги смартфонлар туркумига илғор ва тажрибавий ёндашувлар ҳам татбиқ қилиниши кутилмоқда.