Samsung янгича дисплейни патентлади. У кейинги йилги смартфонларга ўрнатилиши мумкин

Samsung ўзининг навбатдаги Galaxy S11 линейкаси устида ишлашни бошлаб юборганидан яхши хабардормиз. 

Кундан-кунга гаджет ҳақида кўпроқ маълумот пайдо бўлаётир. Мана шундай маълумотлардан энг сўнггиси қурилманинг орқа ва олд панелларига оид. Корея Интеллектуал мулк агентлиги берган маълумотларга кўра, Samsung компанияси смартфон дисплейлари категориясига SAMOLED номини қўшиб қўйди. Бундан чиқди, S серия флагманларига ўрнатиладиган дисплей номланиши яна ўзгаради. 

Бошқа бир хабарда эса Twitter'даги ишончли ликстерлардан бири смартфон ранглари ҳақида маълумот бериб, 2020 йилги Galaxy S'лар қора, кулранг ва кўк рангларда чиқарилишини айтган эди. Арзонроқ Galaxy S11e варианти эса кўк, кулранг ва пушти рангларда бўлди.

Galaxy S10'га Динамик AMOLED экран ўрнатилган эди. Бу ўта катта пиксел зичлигига (526 пиксел/дюйм) эга бўлган HDR10+ ни қўллаб-қувватловчи OLED панелдир. Янги SAMOLED номи Samsung ва OLED сўзларидан ясалганига шубҳа йўқ. Бу номни Samsung'нинг яна бир савдо белгиси бўлган SUPER AMOLED билан адаштирмаслик керак. 

Янгича номланувчи дисплейда Infinity-O экран такомиллаштирилишини кутиб қоламиз. 

ЎҚИНГ: Барча моделлардаги Galaxy S11’ларнинг экран ўлчамлари ва яна иккита зўр жиҳати маълум