Samsung йўл берди: Exynos 980 процессорли илк 5G-смартфонни хитойликлар чиқаришяпти! (+видео)
Жанубий кореялик техногигант яқинда ўзининг интеграллаштирилган 5G-модемга эга Exynos 980 чипсетини намойиш қилганди. Samsung мазкур процессор базасида ўрта нархли 5G-смартфонларини чиқариши кутилмоқда.
ЎҚИНГ: 108 МП камерали Galaxy A91 флагмани эртароқ чиқади, бу туркумда яна тўққизта смартфон бор!
Лекин Exynos 980 процессорини ўзининг смартфонларида биринчи бўлиб Vivo компанияси қўлламоқда. Манбаларга кўра, Vivo X30 русумли ушбу қурилма декабрдаёқ расман намойиш этилади.
Хитойлик компаниянинг махфий тадбиридан олинган «жонли» суратлар Vivo X30 хусусиятлари ҳақида ҳам маълумот беради. Уларга кўра, гаджетнинг бош камераси уч модулли, олд камераси эса корпус ичидан чиқадиган бўлади.
Vivo X30 моделининг «электрон юраги» тарзида танланган Exynos 980 процессори эса Samsung’нинг 5G-модемли илк ишланмасидир. Қуйида унга бағишланган расмий видеони томоша қиламиз:
Vivo X30 модели фақат Exynos 980 чипсети базасида ишлаб чиқарилади, демак, унинг фақат 4G стандартигача бўлган тармоқларда ишловчи – арзон версияси бўлмайди.
ЎҚИНГ: «Қоч йўлдан, Xiaomi!» – Snapdragon 855 процессорли энг арзон смартфон сотувга чиқди
