Samsung зарбаларга чидамли Galaxy S7 Active флагманини ишлаб чиқаради

Samsung зарбаларга чидамли Galaxy S7 Active флагманини ишлаб чиқаради

Samsung Galaxy S7 флагмани IP68 стандарти бўйича чанг ва сувдан ҳимояланган бўлса ҳам, уни тўлиқ ишончли деб бўлмайди: смартфонни тушириб юборишдан сақлаш лозим. Ҳиндистоннинг импорт-экспорт трекинг сайти бўлмиш Zauba`да эълон қилинган маълумотларга кўра, Samsung SM-G891A рақами остида янги моделни синовдан ўтказмоқда.

Ўтган йилги Galaxy S6 active смартфони SM-G890A рақами остида ишлаб чиқарилганини ҳисобга олсак, тахмин қилиш мумкинки, аввалги флагманнинг зарбаларга чидамли талқинини ишлаб чиқаришга тайёргарлик кўрилмоқда.

Техник хусусиятлари тўғрисида маълумотлар йўқ. агарда компания ўзининг одатий ишлаб чиқариш йўлини танлайдиган бўлса, смартфон флагман хусусиятларга яқин имкониятларга эга бўлади: 5,1 дюймли superAMOLED QHD-экран, Exynos 8890 / Snapdragon 820, 4 Гб тезкор хотира ва ҳоказо. Аккумулятор сиғими оширилиши ва қобиғи (корпуси) MIL-STD-810G ҳарбий стандартлари (IP68дан ташқари)га мос раившда ҳимояланиши мумкин.

Terabayt.uz сайтининг видеолари: Youtube'даги каналимизда!