Samsung'да Z Fold/Flip бўлса, OnePlus'да V Fold/Flip бўлади!

Samsung'да Z Fold/Flip бўлса, OnePlus'да V Fold/Flip бўлади!

Samsung'нинг Galaxy Z Fold & Flip букламафонлари муваффақияти ортидан букланадиган смартфонлар бозорига ҳар йили янгидан-янги ўйинчилар кириб келмоқда. Ҳозирда аллақачон дунёнинг топ смартфон ишлаб чиқарувчиларининг олтитаси: Samsung, Huawei, Xiaomi, Honor, Vivo ва Oppo компаниялари ўзларининг портфолиоларига букламафонлар қўшиб қўйишган. Эҳтимол, тез орада уларнинг сони еттига кўпайиши мумкин.

Таниқли маълумотчилардан бири, Мукул Шарма, Хитойнинг OnePlus техногиганти V Fold ҳамда V Flip номларини савдо белгиси сифатида рўйхатдан ўтказганлигини айтмоқда. Албатта, булар қурилманинг қачон тақдим қилиниши ҳақида маълумот бермайди, лекин биз энди компания Galaxy Z Fold & Flip рақобатчилари устида ишлаётгани ҳақида биламиз.

Шарманинг қўшимча қилишича, OnePlus ўзининг бўлажак букламафонларининг ҳеч бўлмаганда биттаси учун Европада ҳамда турли бошқа ҳудудларда ички синов жараёнларини бошлаб юборган ва улар яқин келажакда чиқарилиши мумкин.

Ички синовлар эндигина бошланганлигини ҳисобга олган ҳолда шуни айтиш мумкинки, "яқин келажак" компания 7 феврал куни ўтказиши кутилаётган OnePlus 11'нинг глобал тақдимоти куни эмас.

Айтиш керакки, бу OnePlus'нинг букланадиган смартфон устида ишлаётган ҳақида биринчи марта эшитишимиз эмас. Ўтган йили OnePlus'нинг дастурий таъминот бўйича раҳбари Гари Чен компания ўзининг букламафонини чиқариш бўйича Гоогле билан ишлаётганини маълум қилган эди. Кейинчалик, OnePlus раҳбари Пит Лау букламафонга ишора қилган ҳолда қурилманинг ошиқ-мошиқ механизмининг суратини улашди.

Таъкидлаш жоизки, OnePlus'нинг бош компанияси, Oppo, бир неча ой аввал ўзининг иккинчи авлод букламафонларини тақдим қилди. Бу йили компания фақат Oppo Find N2 билан чекланиб қолмади ва ўзининг илк Find N2 Flip чиғаноқли букланадиган моделини ҳам чиқарди. Эҳтимол, OnePlus'нинг букламафонларини ўзининг катта компанияси буклафонларидан техник хусусиятлар ва дизайнни ўзлаштириши мумкин. 

ЎҚИНГ: Realme'нинг янги тизер видеоси Coca-Cola билан ҳамкорликка ишора қилади

Сайтимизнинг энг чиройли расмларини Инстаграмдаги саҳифамизда томоша қилинг!