Samsung'дан навбатдаги сюрприз - компания яна бир қурилмани сотувга чиқаришни кечиктирмоқда!

Samsung'дан навбатдаги сюрприз - компания яна бир қурилмани сотувга чиқаришни кечиктирмоқда!

Ғаройиб “букилмафон”нинг саргузаштлари унутилиб улгурмасидан, компания яна “қовун тушурди”. Гап шундаки, Galaxy Home ақлли колонкаси билан боғлиқ қандайдир муаммо юзага келган.

Бу анча кутилмаган ҳолат, чунки компания ушбу қурилмани ўтган йилнинг августидаёқ намойиш қилиб, ушбу йилнинг апрель ойида сотувга чиқаришни режалаштирганди. Апрель ойи ўтиб бўлди, аммо қурилмани сотиб олиш имконияти ҳалигача мавжуд эмас. Сотувлар бошланишининг аниқ санаси айтилмаяпти. Ишлаб чиқарувчининг таъкидлашича, йилнинг биринчи ярми якунига қадар маҳсулот дўкон тахтачаларидан жой олади.

Кечикиш сабаби айтилмаган, катта эҳтимол билан бу овозли ёрдамчидаги муаммо билан боғлиқ бўлиши керак. Galaxy Home ўзининг илк вариантида Apple HomePod'га ўрнатилган Siri'га кўплаб жиҳатлари билан мағлуб бўлувчи Bixby овозли ёрдамчисига таянган ҳолда ишларди. Танқидчилар эса ўзларининг тавсифларида ушбу камчиликни албатта айтиб ўтиши ва бу ҳолат бир қанча шов-шувларга сабаб бўлиши кундек равшан эди. Шундоқ ҳам сўнгги вақтларда муаммолари етарли бўлиб турган компания учун шу ҳам ошиқча. Шунинг учун, ишлаб чиқарувчи алтернатив вариант сифатида Galaxy Home'ни Google Assistant овозли ёрдамчиси билан уйғунлаштириш пайига тушганини таҳмин қилиш мумкин.

Дарвоқе, турли русумлардаги Samsung телефонларини Terashop.uz интернет-дўконимиздан 451 000 сўмдан бошланувчи нархлар эвазига сотиб олиш имкони бор.

ЎҚИНГ: Samsung ҳам «ақлли» колонка ишлаб чиқаришини тасдиқлади