Samsung'дан туб бурилиш: компания ўзининг беш йиллик анъанасини бузмоқчи

Samsung'дан туб бурилиш: компания ўзининг беш йиллик анъанасини бузмоқчи

Samsung янги Galaxy S22 серияси смартфонларини Exynos 2200 чипи билан жиҳозлайди. Жанубий Кореядан олинган хабарларга кўра, компания ўз анъаналарини бузиши мумкин. Яьни Samsung АҚШ ҳамда Хитой учун чиқариладиган смартфонларни Exynos чипи билан жиҳозлайди.

Икки мамлакатдаги Verizon ҳамда China Telecom компаниялари Samsung билан Exynos чипларининг янги турини сотиб олиш бўйича музокараларни бошлади. Шунга қарамай, уларнинг ички рақобатчилари Qualcomm томонидан ишлаб чиқарилган чипларни қўллаб-қувватламоқдалар.

ЎҚИНГ: Samsung Galaxy S22'лар эртароқ тақдим қилиниши мумкин

Беш йилдан бери Samsung АҚШ ҳамда Хитой учун чиқарилган S сериясидаги смартфонларни Snapdragon чипи, халқаро бозор учун ишлаб чиқарилган смартфонларини эса Exynos билан жиҳозлаб келмоқда.

Лекин, афтидан, Verizon ҳамда China Telecom компаниялари энг сўнги Exynos чипи билан жиҳозланган S моделидаги смартфонларни сотиб олишни режалаштиришмоқда.

Маълумотларга кўра, Европа бозори учун ишлаб чиқариладиган Galaxy S22 смартфонлари одатдагидек Exynos чипига эга бўлади, аммо Ҳиндистон бозори учун смартфонларга Snapdragon чипи ўрнатилади.

Манбанинг яна бир қизиқ тафсилоти шундаки, бу ҳолат Сувон шаҳрида жойлашган Samsung штаб-квартирасида бир неча муаммоларни келтириб чиқарди. IM (IT ва мобил алоқа) бўлими Exynos 2200 чипининг паст рентабеллиги туфайли яримўтказгичлар ишлаб чиқарувчи гуруҳдан унинг нархини пасайтиришни сўради. Аввалроқ ушбу бўлим Qualcomm билан арзонроқ нархдаги чипларни сотиб олиш борасида музокаралар олиб бораётган эди.

ЎҚИНГ: Samsung Galaxy S22 серияси смартфонларининг камера имкониятлари, дисплей ўлчамлари ҳамда аккумулятор сиғими қанча бўлиши маълум бўлди

Terabayt.uz сайтининг видеолари: Youtube'даги каналимизда!