Samsung’нинг яна бир арзон смартфони Geekbench’да «қўлга тушди»
Жанубий кореялик техногигант 2019 йилнинг февралидаа Galaxy M30, сентябрида эса Galaxy M30s смартфонларини тақдим этганди. Шунингдек, август ойида Galaxy M21, Galaxy M31 ва Galaxy M41 моделлари ҳақида ҳам маълумот пайдо бўлган.
ЎҚИНГ: Galaxy S11’ни эсдан чиқаринг – ўрнига Galaxy S20 тайёр!
Энди эса Galaxy M31 смартфони тақдимотдан аввал Geekbench сервисида текшириб кўрилгани маълум бўлди. SM-M315F модел рақами билан бенчмаркда текширувдан ўтган девайс якка ядроли тестда 348 балл, кўп ядроли синовда эса 1214 балл олган.
Geekbench маълумотлар базасига кўра, Galaxy M31 модели Android 10 операцион тизими бошқаруви остида ишлайди ва унинг тезкор хотираси 6 гигабайтлик. Аввалроқ тарқалган хабарларда унинг Snapdragon 665 базасига қурилиши айтилаётган эди, аммо бенчмарк унинг Exynos 9611 чипсетига эга эканини кўрсатмоқда.
Шунингдек, миш-мишларга кўра, ушбу арзон смартфоннинг бош камераси 48, 12 ва 5 мегапикселлик учта модулни ўз ичига олади.
ЎҚИНГ: ТОП-10: Дунёдаги энг харидоргир смартфонлар (2019 йил, декабрь)
