Селфи-камералар “жанги”: Galaxy S8 S7, iPhone 7, LG G6’га қарши
Мобил саноатда бош камера технологиясини ривожлантиришдаги кучли рақобатдан сўнг, бугун селфи-камераларнинг ҳам тобора такомиллашиб бораётганига гувоҳ бўлмоқдамиз. Жумладан, f/1.7 линзали ва 8 мегапикселли матрицага эга Galaxy S8 ҳамда S8 Plus смартфонларининг олд камераси имкониятлари 2016 йилнинг энг яхши камерафонлари қаторига киритилган 5 мегапикселли Galaxy S7 ҳамда S7 edge’нинг олд камераси имкониятларидан янада яхшиланган. Шу билан бирга, 2017 йилнинг флагман смартфонларининг олд камераси ҳам автофокус тизими билан таъминланган. Булар Samsung тарихидаги шундай жиҳатга эга илк смартфонлар.
Galaxy S8 мобил алоқа воситаси Instagram суратлар тармоғининг фаол фойдаланувчи, селфи-парастлар учун айни муддао.
Ҳар нарсага таққослаш орқали баҳо қўйиш адолатли бўлади. Galaxy S8’нинг олд камера имкониятларини iPhone 7, Galaxy S7, ва LG G6 каби давримизнинг илғор смартфонларининг селфи камералари олган суратлар билан таққослаб кўришга қарор қилдик.
Суратлардан кўриниб турибдики, S8 олд камераси фойдаланувчининг қиёфасини нозиклик билан акс этиришга уста. Унда олинган суратларда ранг ва ёруғликнинг етказилиши, юздаги тус меъёри жойида. Galaxy S7 олган селфида юзнинг ўнг томон қисми ёруғлик тақсимоти билан яхши таъминланмаган. LG G6’да эса юздаги оқ тус ёки ёруғлик миқдори юқори. Тўғри, сифат жиҳатдан iPhone 7’да олинган селфи S8 камерасиникидан қолишмайди. Бироқ, айфонда юзнинг рангдорлиги ошиб кетгандай. Эҳтимол, булар — кўпчилик учун сезилмас фарқлардир.
Биз сиз учун хулоса чиқармаймиз, албатта. Сиз ўз фикрингизни Facebook’даги саҳифамиздаги пост остида қолдиринг. Шунингдек, 29 март куни Samsung компанияси томонидан тақдим қилинган Galaxy S8 смартфонининг илғор жиҳатлари билан ушбу мақолада танишиб чиқишингиз мумкин.
