СES 2017 кўргазмасида ўғирланган Razer ноутбуклари Хитойдан топилди
Бундан бир неча кун аввал АҚШда ўтказилган СES 2017 кўргазмасидан ўғирлаб кетилган уч экранли Razer ноутбуки ҳақида сайтимизда хабар берган эдик. Ишлаб чиқарувчи мазкур модель ўғриларини ушлашга ёрдам берадиган ҳар қандай маълумот учун ҳатто 25 000 доллар мукофот ваъда қилган эди.
Бугун IXBT тарқатган маълумотга кўра ушбу ноутбук Хитойда аниқланган. Уч экранли ноутбук ҳозирда Хитойнинг Taоbao сайтида сотувга қўйилган, ўғри ёки унинг янги эгаси ноутбук учун 21 700 доллар нарх белгилаган.
Албатта, эндиликда Razer ўз гаджетини қайта сотиб олиши ҳам мумкин. Бироқ ҳозирча воқеанинг қандай тугаши маълум эмас.
