Шаҳар чангида яна бир таҳдид аниқланди

Антибиотикларга чидамли генлар ҳаво рқали тарқалиши мумкин экан. Уларни тарқатишда эса асосий ишни чанг зарралари бажаради.

Халқаро биологлар гуруҳи дунёнинг 19 та шаҳридан дисперсли зарралардан намуна йиғдилар. Ушбу зарраларда ПЦР (полимер занжирли реакция) усули бўйича 30 та ген текшириб кўрилди. Ушбу генлар 7 турдаги антибиотикларнинг резистентлигига жавоб беради. Натижа эса, қувонарли эмас.

ЎҚИНГ:Аёллар ишлатадиган гаджетлар эркакларникидан ифлосроқ бўлиши аниқланди

Бета-лактамли антибиотиклар  гуруҳига кирувчи энг кўп тарқалган чидамли генларнинг бири пенициллин бўлиб чиқди. 6 та шаҳар ҳавосида  ванкомицинга чидамли бўлган генлар топилди.  Бу «охирги захирадаги антибиотик» бўлиб, уни врачлар бошқа дори-дармонлар ёрдам бермай қолгандагина буюради.  Генларнинг энг кўп резинтентли концентрацияси Сан-Франциско шаҳрининг чангидан топилди, энг хилма-хил спектрли генлар эса Пекин ҳавоси таркибида экан.

Бу ҳолат жуда жиддий муаммо ҳисобланади. Бактериялар орасида генларнинг  горизонталь тарзда ўтиши (қачонки, организм генларни ўзининг авлодларига эмас, балки бегона организмага ўтказади.) тез-тез бўлиб турадиган ҳолатдир. Шаҳар чангидаги резистентли генлар  концентрациясининг юқорилиги  касал тарқатадиган бактерияларнинг  антибиотикларга тезда “иммунитет” ҳосил қилишига олиб келади. Натижада, даволинишнинг классик услуби мутлақо фойдасиз бўлиб қолади.

ЎҚИНГ:Бактерияда ишлайдиган қоғоз батарея ихтиро қилинди