Sharp компанияси Тайваннинг Foxconn корпорацияси қўлига ўтмоқда

Sharp компанияси Тайваннинг Foxconn корпорацияси қўлига ўтмоқда

Бир ойча муқаддам Тайваннинг Foxconn (Hon Hai Precision Industry Co., Ltd.) компанияси Япониянинг Sharp Corporation электроника ишлаб чиқарувчисини сотиб олишни режалаштираётгани ҳақида гап-сўзлар тарқалган эди. Япониянинг Nikkei нашри хабарига кўра, томонлар келишувга эришишди. Унга кўра, Foxconn Sharp компаниянинг 65,9 фоизлик акциялари эгасига айланди. Шартноманинг умумий миқдори эса 700 миллиард иен ёки 6,2 миллиард долларни ташкил этади.

Февраль ойи бошларида эса Foxconn 659 млрд иен ($5.5 млрд атрофида) таклиф этган, бироқ асосий рақиб — Innovation Network Corporation of Japan давлат концерни устидан ғалаба қозониш мақсадида нархларни кўтаришга мажбур бўлди. Япониянинг Innovation Network Corporation of Japan концерни эса бундан аввал Hitachi, Sony ва Toshiba билан биргаликда Japan Display номи остида суюқ кристалли дисплейлар ишлаб чиқаришни йўлга қўйган ва эндиликда Sharp`га ҳам эга чиқмоқчи эди.

Бироқ ҳозирча барчаси силлиқ ва шаффоф кечаётгани йўқ. Сўнгги маълумотларга кўра, Foxconn тафсилотлар ва шартнома мажбуриятларини ўрганиш мақсадида ҳужжатларни имзолашни ортга сурган.

Terabayt.uz сайтининг видеолари: Youtube'даги каналимизда!