«Шаршара экран»ли Xiaomi Mi Mix 4 биринчи «жонли» суратда!
«Хитойча Apple» ўзининг алоҳида туркумидаги Xiaomi Mi Mix Alpha концептуал 5G-смартфонини тақдим этган. Гарчи расман савдоси бошланмаган бўлса-да, корпуси салкам бутунлай экрандан иборат бўлган ушбу девайсни аллақачон нақ 140 минг доллардан таклиф қилишяпти ҳам.
ЎҚИНГ: РАСМИЙ ВИДЕО: Xiaomi Mi Mix Alpha’ни илк бор қадоғидан олиб ишлатиб кўрамиз!
Энди эса Xiaomi навбат бўйича серияли тарзда Mi Mix 4 смартфони чиқариши кутилмоқда. Биз аввалроқ, ҳали Mi Mix Alpha ҳам намойиш этилмасидан аввал экрани ёқиқ ҳолда ишлатиб кўрсатилган Mi Mix 4 видеосини эълон қилганмиз.
Энди эса инсайдерлар Xiaomi Mi Mix 4 моделининг ёқиқ дисплейи кўрсатилган «жонли» расмини эълон қилишди. Тўлиқ ошкор этмасдан, қизиқишни сақлаб туриш мақсадида суратни атайлаб хиралаштиришган, бир қисмини квадратчалар билан яширишган. Шунга қарамай, ушбу смартфон «шаршара экран»га эга экани ва унда олд камера учун кемтик ёки тирқиш йўқлигини пайқаш қийин эмас.
Эҳтимол, Mi Mix 4 селфи-камераси корпуснинг юқори қиррасидан чиқадиган бўлар, балки Xiaomi уни экран остига яшира олгандир – буни ҳали вақт кўрсатади.
Кейинги хабарларга кўра, корпорация бу гаджетининг намойиш вақтини кечиктирган ва уни келаси йил февралда кўрсатади. Аллақачон глобал савдога чиққан турли Xiaomi телефонларини эса 610 000 сўмдан бошланувчи нархлар асосида Terashop.uz онлайн дўконимиздан харид қилиш мумкин. Ҳали яқиндагина намойиш қилинган иккита – Redmi Note 8 ва Redmi Note 8 Pro моделлари ҳам етиб келган.
