Shazam 20 ёшда!

Shazam 20 ёшда!

Агар бирон жойда бирон қўшиқ парчасини эшитиб қолсангиз ва у сизга ёқиб қолса, смартфонингизни олиб уни "Shazam қилиш"ни бошлайсиз. Сониялар ичида эса бу кимнинг қайси қўшиғи эканлигини билиб оласиз. Ажойиб шундай эмасми? Ушбу Shazam хизмати бу йил ўзининг 20 йиллигини нишонламоқда. Шу муносабат билан унинг бош компанияси, Apple қизиқарли статистик маълумотларни улашди. 

Маълум бўлишича, бугунги кунда Shazam'нинг 225 миллиондан ортиқ глобал фойдаланувчилари мавжуд бўлиб, у шу кунгача 70 миллиарддан ортиқ қўшиқларни аниқлашда ёрдам берган. Ҳозирда Shazam иловаси 2 миллиарддан ортиқ юклаб олишлар сонига эга. 

Т.Рекснинг "Jeepster" қўшиғи энг биринчи Shazam қилинган қўшиқ бўлиб, бу 2002 йилнинг 19 апрелида амалга оширилган. iOS иловада энг биринчи Shazam қилинган қўшиқ эса Aimee Mann томонидан куйланган "How I am Different" қўшиғи бўлган.

Таниқли К-поп гуруҳи, BTS'нинг "Butter" қўшиғи 1 миллиондан ортиқ энг тез Shazam қилинган қўшиқ бўлган. Худди шундай йўналишда 10 миллиондан ортиқ Shazam қилиган қўшиқ эса Ed Sheeran'нинг "Shape of You" қўшиғи бўлган.

Энг кўп Shazam қилинган хонанда Drake бўлиб, унинг қўшиқлари ёхуд у иштирокида куйланган қўшиқлар сони 350 миллиондан ортиқ.

Энг кўп Shazam қилиган қўшиқ эса Tones and I томонидан куйланган "Dance Monkey" қўшиғидир.

ЎҚИНГ: Telegram'да юзернеймлар билан боғлиқ узоқ кутилган ўзгариш