Шошилинг! Galaxy Note10+ ни 500 доллар арзонроққа сотиб олсангиз бўлади!

Шошилинг! Galaxy Note10+ ни 500 доллар арзонроққа сотиб олсангиз бўлади!

Кеча Бирлашган Қиролликда акция ўтказилаётгани, танланган Galaxy смартфонлари харид қилинганда, совға сифатида Galaxy Buds қулоқчинларини қўлга киритиш мумкинлиги ҳақида хабар берган эдик. Энди эса Кореядан бундан-да зўр хабар келди!

Samsung'нинг энг катта, энг сўнгги ва энг қиммат флагманини сотиб олишни режа қилгансиз, лекин смартфон нархи осмонда! Хафа бўлишга ўрин йўқ! Корейс компанияси акция ўтказмоқда! Энди камроқ тўлайсиз!

Аввало, Samsung Galaxy Note10+ смартфонини 500 долларгача арзонроқ нархда сотиб олиш имкони мавжуд. Бунинг учун “трейд-ин“ни амалга оширишингиз керак бўлади. Оддий қилиб айтганда, айирбошлаш. Galaxy S10+ ёки iPhone XS Max'ингизни Samsung'га топширинг ва чегирмага эга бўлинг. Агар бошқа қурилмани айирбошламоқчи бўлсангиз, чегирма фоизи камроқ бўлади.

Бундан ташқари, Samsung дўконидан исталган нарсани харид қилиш учун 200 доллар кредитга эга бўлишингиз ёки оригинал Galaxy Buds симсиз қулоқчинлари ва Galaxy Fit трекерининг ҳар иккаласини ҳам текинга қўлга киритишингиз мумкин.

Назарий жиҳатдан олиб қараганда, 500 долларлик айирбошлашни амалга ошириб, 200 доллар кредитга эга бўлсангиз, Note10+ сизга атиги 399 долларга тушади! Бу, албатта, назарий жиҳатдан. Лекин компания флагманни кўпроқ одам харид қилишига уринаётганини қадрлаймиз.

Ушбу таклиф муддати чекланган ва фақат АҚШда амал қилади. Агар Қўшма Штатларда яшасангиз ва акцияга қизиққан бўлсангиз, ҳозироқ ҳаракатни бошлайверинг!

ЎҚИНГ: Аккумулятор автономлиги: Apple iPhone 11 Pro Max vs Galaxy Note10+. Бу сафар қайси бири ютди?

Хабарларни тез ва осон ўқиш учун Андроид иловамизни сақлаб олинг.