Sigma Mobile болалар ва қарияларга мўлжалланган телефонни сотувга чиқарди
Sigma mobile компанияси болалар ва қарияларга мўлжалланган Сomfort 50 Shell Duo моделини сотувга чиқарди. Телефон раскладушка форм-факторида ишлаб чиқилган.
Smartphone.ua сайтининг хабар беришича, Сomfort 50 Shell Duo иккита SIM-карта ишини қўллаб-қувватлайди, рақамларни териш учун йирик тугмалар билан жиҳозланган. Клавиатурадаги бирор рақам босилганда, телефон ушбу рақамни овоз билан эълон қилади, бу эса кўриш қобилияти яхши бўлмаган фойдаланувчиларга қўшимча қулайлик тақдим этади.
Кириш қўнғироқларининг рингтони баланд товушга эга, экрандаги шрифтларнинг ўлчами йирик. Шунингдек, кутилмаган ҳолатлар учун SOS тугмаси ҳам кўзда тутилган. Зарядлашни қулайлаштириш учун телефон тўпламига махсус кредл ҳам киритилган. Телефонда будилник, калькулятор, календарь, фонар, фотоаппарат, диктофон ва FM-радио мавжуд.
Батареясининг сиғими – 850 мА/соат. Модель Украинада 999 грн (39 доллар) нархида сотувга чиқарилган.
