Сир очилди: нега Путин умуман смартфон ишлатмайди?
Жорий йилнинг бошида Россия президенти Владимир Путин бирорта гаджет, жумладан – смартфон ҳам ишлатмаслигини маълум қилганди. Бироқ ўтган йили у қўлида энг қиммат флагман смартфон билан «қўлга тушган»лиги ҳам бор гап.
Шунингдек, В.Путин интернетдан ҳам фойдаланмаслигини айтган, аммо буларнинг сабабини очиқламаган. Россия телеканалларидан бирига берган интервьсида президентнинг матбуот котиби Дмитрий Песков ҳам буни тасдиқлади. Шунингдек, Путин нега смартфон тутмаслигига ҳам матбуот котиби изоҳ бериб кетди.
Унинг сўзларига қараганда, ҳар қандай смартфон фойдаланувчиси ўзини ва ўз ҳаётини «умумий намойишга қўяди». Россиядек мамлакатнинг президенти эса бунга йўл қўйиши мумкин эмас – ахборот хавфсизлиги муҳим.
Песковнинг таъкидлашича, мамлакат президенти фақатгина ҳукуматнинг ёпиқ алоқа тизимидаги телефонлардан фойдаланади. Матбуот котибининг сўзларига кўра, улар барча смартфонлардан кейин ҳам яшаб қолади.
ЎҚИНГ: Путин Трампга совға қилган ЖЧ–2018 тўпининг ичидан қандай чип топишди?
