Сиз севган Counter-Strike яна рекорд ўрнатди!

  •   DiMaX
  •  2669
  •  02.03.2020 10:29

Сиз севган Counter-Strike яна рекорд ўрнатди!

Кўпчилик геймерлар севиб ўйнайдиган ўйиннинг 2012 йили чиққан Counter-Strike: Global Offensive версияси ўз рекордини янгилади. Мазкур рекорд Steam платформасида бир вақтнинг ўзида шу ўйин орқали онлайн бўлтганлар сонига тегишли.

ЎҚИНГ: Counter-Strike: Global Offensive ўйини энди бепул бўлиб, унга «Battle Royale» режими ҳам қўшилди!

Жорий йилнинг февраль ойи бошида ушбу ўйинда бир вақтнинг ўзида онлайн ўйновчилар сони 876 минг киши бўлган эди. 29 февралида эса улар бир неча ўн минг нафарга ошган: Steam Charts маълумотларига кўра – 917 минг, SteamDB маълумотларига қараганда – 933,4 минг геймер!

Мазкур кескин ўсиш 28 февраль – 1 март кунлари Польшада бўлиб ўтган IEM Katowice 2020 турнири билан боғлиқ, дейишмоқда кузатувчилар. Ушбу тадбир бўлиб ўтаётган стадионга томошабинларни киритишмаган; тахминларга кўра, ташкилотчилар коронавирус тарқалиши хавфидан чўчиб шундай йўл тутишган. Ушбу геймерлар мусобақасини фақат жонли эфирда кузатиш мумкин бўлган ва кўплаб ишқибозлар уни бевосита ўйиннинг ўзидан онлайн тарзда кузатишган.

ЎҚИНГ: Ўзбекистонлик 5 муваффақиятли киберспортчи

Сайт янгиликларидан доимий хабардор бўлиш учун Телеграм каналимизга қўшилинг!