Сиз узоқ кутган функция Telegram’га яқин орада қўшилади!
Telegram мессенжерининг айрим муқобил норасмий иловалари (масалан – Plus Messenger) унинг расмий клиентларида ҳам бўлмаган баъзи имкониятларга эга. Шулардан бири – чатларни тоифаларга ажратиб кўрсатишидир.
ЎҚИНГ: Telegram асосчиси: «Бу сервис энди расман сизларни кузатиш жиҳозига айланган!»
Айни шу функция яқин орада Telegram’нинг ўзига ҳам жорий этилиши кутилмоқда – мессенжернинг macOS клиенти beta-версиясида у аллақачон пайдо бўлган. Мазкур фильтрни фаоллаштириш учун чатлар варақасига сичқончанинг ўнг тугмачаси билан чертиш керак бўлади.
Афтидан, диалоглар ва каналларни тоифасига кўра ажратиш имконияти Telegram’нинг бошқа операцион тизимларга мўлжалланган иловаларида ҳам бўлади. Фақат бу функция ҳам қўшилган янгиланиш қачон чиқиши ҳозирча номаълум.
Эслатиб ўтамиз, куни кеча iOS ҳамда Android тизимлари учун Telegram 5.14 талқини тақдим этилган бўлиб, ундаги янги имкониятлар билан мана бу хабаримизда танишиб чиқишингиз мумкин.
ЎҚИНГ: Telegram’да ўз-ўзидан ғойиб бўлувчи расм ёки видео жўнатамиз
