Skype’да энди видеочатларни ёзиб олишингиз мумкин!

  •   DiMaX
  •  327
  •  05.09.2018 17:51

Skype’да энди видеочатларни ёзиб олишингиз мумкин!

Microsoft компанияси Skype иловасига ўта муҳим функция – видеосуҳбатларни ёзиб олиш имконияти жорий этилганини эълон қилди. Бу – барча мессенжерлар фойдаланувчилари узоқ кутган функциядир.

ЎҚИНГ: Мессенжерлар фойдаланувчилари узоқ кутган муҳим функция биринчи бўлиб Skype’га жорий этилди!

Янги имкониятлар деярли барча асосий платформалар учун ишлаб чиқилган Skype иловаларининг сўнгги версияларида фаоллаштирилган. Фақатгина Windows 10 операцион тизими учун у яқин ҳафталар ичида тақдим этилади.

Видеоқўнғироқларни ёзиб олиш учун, экраннинг пастки қисмидаги «+» белгисини босиш ва «Ёзишни бошлаш», яъни «Начать запись» бандини танлаш лозим. Бунда нариги суҳбатдош экрани устида видеочатни ёзиб олаётганингиз ҳақидаги огоҳлантирувчи ёзув чиқади.

Ушбу жараёнда барча иштирокчиларнинг видеоси ёзиб олинади. Агарда улардан бирортаси экранини намойиш этса, у ҳам ёзилади.

Айтиш керакки, видеосуҳбат уни ёзиб олаётган фойдаланувчининг қурилмасида эмас, балки «булутли» сақлагичда сақланади. Видеоқўнғироқ тугагач, уни юклаб олиш ҳаволаси чатга чиқади. Уни 30 кун мобайнида сақлаб олиш мумкин бўлади.

Видеочатларни ёзиб олиш функциясидан ташқари, Skype’нинг мазкур янгиланишида бошқа кўплаб имкониятлар ҳам тақдим этилган.

ЎҚИНГ: Telegram ва Skype’да бепул PROMT таржимони ишга тушди!